परोपकार महिला साकोसले शेयर सदस्यलाई भेलवेटको चप्पल बनाउने तालिम सञ्चालन गरेको छ । शेयर सदस्यको आर्थिक आत्मनिर्भरता र व्यावसायिकताका लागि तालिमको आयोजना गरिएको संस्थाकी अध्यक्ष सर्मिला सापकोटाले बताउनु भयो ।
भीमेश्वर नगरपालिकाको समन्वयमा भेलवेटका चप्पल बनाउने तालिम सञ्चालन गरेको संस्थाले जनाएको छ ।
तालिमको उद्धघाटन भीमेश्वर नगरपालिकाका महिला,वालवालिका तथा ज्येष्ठ नागरिक शाखाका शाखा अधिकृत सुर्जा दहालले एक कार्यक्रमका बीच गर्नुभएको थियो । कार्यक्रममा आवाज नेपाल दोलखाकी अध्यक्ष सृजना कार्की, तालिम प्रशिक्षक कविता अधिकारी,संस्थाकी अध्यक्ष शर्मिला सापकोटा,संस्थाकी उपाध्यक्ष अप्सरा चौलागाईँ,कोषाध्यक्ष भवानी खड्का लगायतले तालिमको प्रभावकारीताका विषयमा मन्तव्य राख्नु भएको थियो ।

७ दिनसम्म सञ्चालन हुने तालिममा सहकारीका शेयरसदस्य भित्रका १२ जनासहभागी रहेका छन् । परोपकार महिला साकोसले आफ्ना सदस्यलाई प्रदान गरेको यो पाँचौ चरणको तालिम हो । संस्थाले प्रत्येक वर्ष फरक–फरक सीप विकासका तालिम सञ्चालन गरि सदस्यहरूलाई आत्मनिर्भर बनाउने प्रयास गरिरहेको संस्थाको भनाइ छ ।