कालिनाग माध्यमिक विद्यालय पूर्व विद्यार्थी समाज कालिन्चोक –८ सुनखानीले पूर्व शिक्षक कालिका पाठकलगायत पूर्व अध्यक्षहरुको सम्मान गरेको छ ।  समाजको अधिवेशन तथा  सम्मान कार्यक्रमको अवसर पारेर पूर्व अध्यक्षलगायत पूर्व शिक्षक पाठकलाई विशेष सम्मान गरेको हो ।

राष्ट्रिय सभाका अध्यक्ष गणेश प्रसाद तिमल्सिनाको प्रमुख आतिथ्यतामा भएको कार्यक्रममा विद्यालको सर्वपक्षीय विकासका लागि योगदान पुर्याउने स्थापनाकालदेखिका विद्यालय व्यवस्थापन समितिका पूर्व अध्यक्ष टिकाभक्त शिवाकोटी, खड्ग प्रसाद शिवाकोटी, ,रतिराम शिवाकोटी,संग्राम बहादुर आचार्य,कृष्ण प्रसाद शिवाकोटी,भानुभक्त आचार्यलाई सम्मान गरेको हो ।

यस्तै विद्यालयका पूर्व अध्यक्ष कृष्ण प्रसाद शिवाकोटी,भानुभक्त आचार्य, बालकृष्ण शिवाकोटी,गणेश शिवाकोटी,डम्बर वयलकोटी र कृष्ण बहादुर बुढाथोकी लगायत १० पूर्व अध्यक्षहरुको सम्मान गरिएको पूर्व विद्यार्थी समाजले जनाएको छ ।
कार्यक्रममा पूर्व विद्यार्थी समाजका सचिव गणेश शिवाकोटीले प्रगति प्रतिवेदन र आर्थिक प्रतिवेदन कोषाध्यक्ष अनिल शिवाकोटीले प्रस्तुत गर्नुभएको थियो ।
पूर्व विद्यार्थी समाजका अध्यक्ष जगधीश खरेलको अध्यक्षतामा भएको कार्यक्रममा कालिञ्चोक गाउँपालिका अध्यक्ष अर्जुन प्रसाद शिवाकोटी लगायत कालिनाग माध्यमिक विद्यालय सुनखानीका पूर्व विद्यार्थी,पूर्व शिक्षक,पूर्व विद्यालय व्यवस्थापन समितिका पदाधिकारी लगायतको उल्लेखनीय उपस्थिति रहेको थियो ।

अधिवेशनले सन्तोष पाण्डेको अध्यक्षतामा नयाँ कार्यसमिति चयन गरेको छ ।