पत्रकार शेर बहादुर भुजेलको असमायिक निधन भएको छ । दोलखाका क्रियाशील पत्रकार भुजेलको मंगलबार विहान सुतिरहेको अबस्थामा निधन भएको पारीवारिक स्रोतले जनाएको छ ।
दोलखाको मेलुङ गाँउपालकिा वडा नम्बर १ पवटीमा २०४१ सालमा जन्मनु भएका भुजेलको मंगलवार आफ्नै निवासामा निधन भएको थियो । भुजेलको हृदयघातका कारण निधन भएको बताइएको छ ।
नेपाल पत्रकार महासंघ दोलखाको पूर्व कोषाध्यक्ष समेत रहनु भएका स्वर्गीय भुजेल ईदैनिक खबर अनलाइनको सम्पादक तथा कालिञ्चोक एफ एमको समाचार सम्पादकको रुपमा समेत कार्यरत रहनु भएको थियो । वि.सं २०६० सालबाट पत्रकारिता शुरु गर्नु भएका भुजेल पत्रकारितासंगै साहित्य रं सामाजकि अभियानमा सक्रिय हुनुहुन्थ्यो ।
भुजेल प्रेस चौतारी नेपाल वागमती प्रदेश कमिटि सदस्य एवं प्रेस चौतारी नेपालका पूर्व सचिवको जिम्मेवारी समेत सम्हाल्नु भएको थियो ।
स्वर्गीय भुजेलका श्रीमती, एक छोरा र एक छोरी रहेका छन् ।
प्रेस चौतारी नेपाल दोलखाले दुखद निधनप्रति शोक वक्तव्य जारी गरेको छ ।
प्रेस चौतारी नेपाल दोलखाका अध्यक्ष प्रभु जिरेलले हस्ताक्षर गरेको शोक वक्तव्यमा भुजेलको निर्णयले दोलखाको पत्रकारिता क्षेत्रमा अपुरणीय क्षति भएको जनाएको छ ।