प्रेस सेन्टर नेपाल दोलखाको अध्यक्षमा सुरज बस्नेत निर्वाचित हुनु भएको छ । प्रेस सेन्टर नेपाल दोलखाको छैटौं साधारणसभाले बस्नेतको अध्यक्षतामा १५ सदस्यीय नयाँ नेतृत्व चयन गरेको हो । उपाध्यक्षमा प्रमिला नेपाली, सचिव केदार दहाल, कोषाध्यक्षमा गोविन्द थामी चयन हुनु भएको छ भने सदस्यहरुमा ईश्वर विश्वकर्मा, प्रकाश कौशल, भुपेन्द्र प्रसाद भण्डारी, ईश्वरी बुढाथोकी, मिलन थामी, जेनी तमाङ, सविना थापा, नविन सुनुवार र सुमित्रा थामी चयन भएका छन् ।
कार्यक्रमकै अवसरमा प्रेस सेन्टर नेपाल दोलखाले जिल्लाका ८ स्थानीय तह पालिकास्तरीय कमिटी गठन गरेको छ । जसमध्ये गौरीशंकर गाउँपालिकामा प्रकाश कौशलको अध्यक्षतामा कमिटी गठन भएको छ भने भीमेश्वर नगरपालिकामा ईश्वर विश्वकर्माको अध्यक्षतामा कमिटी गठन गरिएको छ ।

यस्तै मेलुङ गाउँपालिकामा भुपेन्द्र प्रसाद भण्डारी, जिरी नगरपालिकामा नविन सुनुवार,वैतेश्वर गाउँपालिकामा सविना थापा अध्यक्ष रहेको कमिटी गठन भएको छ । यसैगरी शैलुङ गाउँपालिकामा ईश्वरी बुढाथोकी,कालिञ्चोकमा मिलन थामी ा र विगु गाउँपालिकामा जेनी तमाङको अध्यक्षतामा कमिटी गठन गरिएको छ । तामाकोशी गाउँपालिकामा भने पछि कमिटी गठन हुने प्रेस सेन्टर नेपाल दोलखाले जनाएको छ ।