तारादेवी बस्नेत
चैत २३
स्वर्गीय पशुपति चौलागाई स्मृति मानव अधिकार, समाजसेवा पुरस्कारबाट मानव अधिकारकर्मी कृष्ण बस्नेत पुरस्कृत हुनु भएको छ । मानवअधिकार सचेतन तथा विकास केन्द्र हुराडेक नेपाल दोलखाले ३१ औं वार्षिक उत्वसको अवसरमा मानव अधिकारको क्षेत्रमा पुर्याएको योगदानको कदर गर्दै नेपाल बार एशोसियसन दोलखाका अध्यक्षसमेत रहनु भएका  बस्नतेलाई १० हजार राशी रहेको पुरस्कार प्रदान गरेको हो ।

हुराडेक नेपाल दोलखाका अध्यक्ष उद्धव प्रसाद पोखरेलको अध्यक्षतामा सम्पन्न कार्यक्रममा जिल्ला समन्वय समिति प्रमुख बर्जुराम घतानी,तामाकोशी गाउँपालिका अध्यक्ष प्रोणप्रताप केसी,प्रेस काउन्सिल नेपालका सदस्य चिरञ्जीवी मास्के,हुराडेक नेपालका पूर्व अध्यक्ष होम पाठकले मानव अधिकारको क्षेत्रमा संस्थाले पुर्याएको योगदानको समीक्षासहितको मन्तव्य राख्नु भयो ।

कार्यक्रममा नेपाल बार एसोसियसन दोलखाका अध्यक्ष कृष्ण बस्नेत,पत्रकार महासंघ दोलखाका अध्यक्ष दीपशंकर चौलागाई,ग्रामीण विकास टुकी संघका कार्यकारी निर्देशक पुरुषार्थ श्रेष्ठ,सिंचाई महासंघका महासचिव शम्भुप्रसाद दुलाल, गैर सरकारी महासंघ दोलखाका सचिव दिल बहादुर केसी र हुराडेक नेपाल दोलखाका कार्यकारी निर्देशक सुन्दर लामिछाने लगायतले कार्यक्रमलाई सम्बोधन गर्नु भएको थियो ।