चैत्र २८

दोलखाको कालिञ्चोक गाउँपालिकामा स्थानीय तहका जनप्रतिनिधि, स्वास्थ्य सेवा समुदायहरूलाई मानसिक रोग तथा मनोसामाजिक परामर्श सम्बन्धी क्षमता अभिबृद्धि कार्यक्रमको आयोजना गरिएको छ । मानव अधिकार सचेतन तथा विकास केन्द्र (हुराडेक) नेपाल दोलखाको आयोजना, कालिन्चोक गाउँपालिकाको समन्वय र धुलिखेल अस्पताल शाखा दोलखाको सहयोगमा कार्यक्रम भएको हो ।

कार्यक्रम उपयोगी भएको सहभागीहरूले बताएका छन् । साथै उनीहरुले मानसिक रोग तथा मनोसामाजिक परामर्श कार्यक्रम वडा तहसम्म पनि गर्नुपर्नेमा जोड दिईएका छन् । कार्यक्रममा पालिकाका जनप्रतिनिधि, स्वास्थ्य क्षेत्रमा कार्यरत स्वास्थ्यकर्मी लगायतको सहभागिता रहेको हुराडेक नेपाल दोलखाका कार्यकारी निर्देशक सुन्दर लामिछानेले जानकारी दिनुभयो । उहाँका अनुसार सहभागीहरुलाई धुलिखेल अस्पताल शाखा दोलखाका सामुदायिक स्वास्थ्यकर्मी सर्मिला थापा र मनोसामाजिक परामर्शकर्ता संगीता खड्काले सहजीकरण गर्नुभएको थियो ।