चर्नावती महायज्ञको विधिवत उद्घाटनसहित आजबाट कथावाचन शुरु ।

महायज्ञले चर्नावती धामको प्रचार प्रसारमा टेवा पुग्ने वरिष्ठ संस्कृत विद् प्राध्यापक डाक्टर जगमान गुरुङले बताउनु भएको छ। जेष्ठ नागरिक सेवा केन्द्र सञ्चालानका लागि आजबाट दोलखाको शैलुङ गाउपालिका वडा नम्वर सात फस्कुमा सुरु गरिएको श्रीमद् देवीभागवत महापुराण नवाह ज्ञान महायज्ञ तथा धार्मिक अनुष्ठान कार्यक्रमको उद्‍घाटन गर्नुहुदैॅ गुरुङले यस्तो बताउनु भएको हो ।
उहाँले दोलखामा प्रचार (प्रसार गर्नु पर्ने धेरै ठाउँ रहेको भन्नुहुँदै गौरीशंकर र च्छोरोल्पा तालको बारेमा सबै भन्दा बढि प्रचारप्रसार गर्न पनि सरोकारवालाहरुलाई अनुरोध गर्नु भएको छ। महायज्ञ आयोजक मुल समारोह समितिका अध्यक्ष बरिष्ठ कलाकार मदन दास श्रेष्ठको अध्यक्षतामा भएको कार्यक्रम पूर्व पर्यटन तथा सांस्कृतिक उड्यान नागरिक आनन्द प्रसाद पोखरेल,पुर्व सूचना सञ्चार तथा तथा प्रविधि मन्त्री पार्वत गुरुङ,प्रदेश सांसद भरत बहादुर केसी, नेपाली काङ्ग्रेस नेता तारा बहादुर कोईराला,नेकपा एमाले अध्यक्ष नर बहादुर श्रेष्ठ,मेलुङ गाउँपालिका अध्यक्ष हिराकुमार थोकर राप्रपाका केन्द्रीय सदस्य प्रविणकुमार थोकर र प्रमुख जिल्ला अधिकारी कोमप्रसाद धमला लगायतले सम्बोधन गर्नु भएको थियो। महायज्ञको संस्कृत विद् विदुषी प्राध्यापक डाक्टर कान्ता भट्टराइको मुखारविन्दुबाट कथा वाचन भईहेको छ।
महायज्ञ १५गतेसम्म सञ्चालन हुने ।
उद्घाटन कार्यक्रम अगाडि कलशयात्रासहित चर्नावती परिसर परिक्रमा गरिएको थियो । कार्यक्रममा जिल्लादेखि केन्द्रसम्मका महत्वपूर्ण व्यक्तित्व लगायत धर्मावलम्बीहरुको उल्लेख्य उपस्थिति रहेको थियो ।