महायज्ञमा सहकारीबाट मात्रै १ लाख १२ हजार रुपैयाँ रकम सहयोग
जेठ ६
दोलखाको चर्णावती धाममा जेष्ठ नागरिक सेवा केन्द्र सञ्चालानका लागि आयोजना गरिएको श्रीमद् देवीभागवत महापुराण नवाह ज्ञान महायज्ञमा हाल सम्म सहकारी संस्थाहरुबाट मात्रै १ लाख १२ हजार १ सय ११ रुपैयाँ रकम प्राप्त भएको छ ।
महायज्ञ कार्यक्रममा निजि क्षेत्र अर्थात सहकारी संस्थाहरुबाट मात्रै हाल सम्म १ लाख १२ हजार २ सय ११ रुपैयाँ रकम आर्थिक सहयोग प्राप्त भएको चर्नावती त्रिवेणी विकास तथा प्रबर्द्धन संघ दोलखाका अध्यक्ष गुण बहादुर बुढाथोकीले जानकारी दिनुभयो ।
उहाँका अनुसार महायज्ञमा जिल्लाको शैलुङ गाउँपालिका वडा नम्वर ७ फस्कुमा रहेको भद्रेश्वर कृषि सहकारी संस्थाले १ लाख १ हजार १ सय रुपैयाँ आर्थिक सहयोग गरेको छ भने जिल्लाको सदरमुकाम चरिकोटमा रहेको हाम्रो हाम्रो जनकल्याण बचत तथा ऋण सहकारी संस्थाले आज ११ हजार १ सय ११ रुपैयाँ रकम सहयोग गरेको छ ।

रकम सहकारी संस्थाका अध्यक्ष राजन श्रेष्ठ र सहकारी संस्थाका प्रमुख कार्यकारी दिपक बस्नेत सहितको टोलीले महायज्ञ स्थल चणरवती धाममानै पुगेर हस्तान्तरण गरेको हो । महायज्ञमा निजी क्षेत्रले आर्थिक सहयोग गर्ने क्रममा बढेको चणरवती त्रिवेणी विकास तथा प्रबर्द्धन संघ दोलखाले जनाएको छ । आईतबारबाट सुरु भएको महायज्ञ जेष्ठ १५ गते सम्म सञ्चालन हुने छ ।