जेठ १०
दोलखाको शैलुङ गाउँपालिका वडा नम्बर ७ फस्कु स्थित चर्णावती धाममा जेष्ठ नागरिक सेवा केन्द्र सञ्चालान तथा चर्नावती त्रिवेणी रामघाट धामलाई धार्मीक पर्यटकीय स्थानको रुपमा विकास गर्ने उद्धेश्यले यहि जेठ ७ गतेबाट सुरु गरिएको श्रीमद् देवीभागवत महापुराण नवाह ज्ञान महायज्ञ तथा धार्मिक अनुष्ठान कार्यक्रममा हाल सम्म ७२ लाख ६३ हजार १ सय ८३ रुपैयाँ रकम प्राप्त भएको छ । महायज्ञ १९ लाख ३ हजार १ सय ८३ रुपैयाँ रकम नगदै संकलन भएको छ । जेठ ७ गतेबाट सुरु भएको महायज्ञमा तीन दिनको अवधिमा मात्रै नगदनै १९ लाख ३ हजार १ सय ८३ रुपैयाँ रकम संकलन भएको छ भने विभिन्न व्यक्ती तथा संस्थाहरुबाट ५३ लाख रुपैयाँ रकम दिने प्रतिवद्धता सहित उक्त अवधिमा मात्रै ७२ लाख ६३ हजार १ सय ८३ रुपैयाँ रकम संकलन हुने भएको चर्णावती त्रिवेणी विकास तथा प्रबर्द्धन संघ दोलखाका अध्यक्ष गुण बहादुर बुढाथोकीले जानकारी दिनुभयो । उहाँका अनुसार जिल्लाको वैतेश्वर गाउँपालिकाले १५ लाख ६० हजार, शैलुङ गाउँपालिकाले १५ लाख र मेलुङ गाउँपालिकाले १० लाख रुपैयाँ रकम अक्षयकोषमा राख्ने घोषण गरेका छन् । त्यसैगरी दोलखाको भीमेश्वर नगरपालिकाका समाजसेवी एव राजनीतिज्ञ तथा व्यावसायी प्रभुराम श्रेष्ठले ११ लाख रुपैयाँ र पुर्व पर्यटन संस्कृति तथा नागरिक उड्यायन मन्त्री आनन्द प्रसाद पोखरेलद्धारा १ लाख रुपैयाँ र पुर्व सुचना सञ्चार तथा प्रविधि मन्त्री पार्वत गुरुङ मार्फत मकरमाया जितु प्रतिष्ठानको तर्र्फ १ लाख रुपैयाँ दिने प्रतिवद्धता व्यक्त गर्नुभएको छ ।