कुटीडाँडाका बालबालिकालाई ताइवानी नागरिकको ५ लाख बढी सहयोग

2 वर्ष अगाडि | समदृष्टि अनलाइन संवाददाता

कुटीडाँडा माध्यमिक विद्यालयका बालबालिकालाई ताइवानी नागरिकको सहयोगमा पाँच लाख बढी रकम प्राप्त भएको छ । जिल्लाकै नमूना विद्यालयको रुपमा पहिचान बनाउन सफल कुटीडाँडा माध्यमिक विद्यालयलका ५४ जना विद्यार्थीलाई स्टेशनरी तथा नगद सहयोग गरेको हो ।
विद्यालयका प्रारम्भिक बालकक्षा देखि १० कक्षासम्मका अभिभावक विहीन तथा उत्कृष्ट छात्रछात्रालाई स्टेशनरी तथा ५ लाख ४० हजार ४ सय ३२ रुपैया रकम सहयोग वितरण गरिएको विद्यालका सहायक प्रधानाध्यापक इश्वर चौलागाईँले बताउनु भयो ।
ताइवान नागरिक एमीको सहयोग र नेपाली प्रतिनिधि भक्त बहादुर ठकुरीको पहलमा प्रति विद्याथी स्टेशनरी सहित १० हजार ८ रुपैँया सहयोग प्रदान गरिएको हो । विगत ४ वषदेखि विद्यालयलाई सहयोग प्राप्त हुँदै आएको विद्यालयले जनाएको छ ।
विद्यालयमा हाल ४ सय ८६ जना बालबालिका अध्ययनरत छन् ।