दोलखाको शैलुङ गाउँपालिका वडा नम्बर ७ फस्कुस्थित चर्नावती धाममा जेष्ठ नागरिक सेवा केन्द्र सञ्चालानका लागि लगाईएको श्रीमद् देवीभागवत महापुराण नवाह ज्ञान महायज्ञमा १ करोड ५ लाख भन्दा बढी नगद संकलन भएको छ चर्नावती धाममा पर्यटन प्रवद्धन गर्नुका साथै जेष्ठ नागरिक सेवा केन्द्र सञ्चालनका लागि जेठ ७ गतेबाट १५ गते सम्म लगाईएको महायज्ञमा नगद नै १ करोड ५ लाख भन्दा बढी संकलन भएको चर्णावती त्रिवेणी विकास तथा प्रवद्र्धन सङ्घ दोलखाका अध्यक्ष गुण बहादुर बुढाथोकीले बताउनुभयो ।
उहाँका अनुसार ९ दिनको अवधिमा उक्त रकम संकलन भएको हो । त्यसैगरी महायज्ञमा विभिन्न व्यक्ती तथा संस्थाहरुबाट १३ लाख रुपैयाँ प्रतिवद्धता गरिएको रकम प्राप्त हुन बाँकी रहेको छ । महायज्ञमा जिरी नगरपालिकाले १० लाख,जिल्लाको वैतेश्वर गाउँपालिकाले १५ लाख ६० हजार,शैलुङ गाउँपालिकाले १५ लाख र मेलुङ गाउँपालिकाले १० लाख र अन्य पालिकाहरुले सहित अक्षयकोषमा राख्नका लागि १ करोड भन्दा वढि रकम घोषणा गरिएको छ ।