नेपाल राष्ट्रिय शिक्षक संगठन भीमेश्वर नगर समिति दोलखाले नवप्रवेशी शिक्षकहरुको सम्मान गरेको छ । शिक्षक सेवा आयोजबाट सफल भएर विभिन्न तहमा नियुक्ती भएका २७ जना नव प्रवेशी शिक्षकको सम्मान गरेको हो ।
दोलखाको भीमेश्वर नगरपालिका र मेलुङ गाउँपालिकाका १० जना महिला शिक्षकसहित २७ जना नवप्रवेशी शिक्षकहरुलाई एक कार्यक्रमको आयोजना गरी सम्मान गरेको भीमेश्वर नगर समितिका अध्यक्ष राजन कार्कीले बताउनुभयो ।

नेपाल राष्ट्रिय शिक्षक संगठन वागमती प्रदेश इन्चार्ज शङ्करलाल श्रेष्ठले नवप्रवेशी शिक्षकको क्षमताको कदर गरी शैक्षिक उन्ननयका लागि लगानी गर्ने वातावरण बनाउन स्थानीय सरकारलाई अनुरोध गर्नुभयो । मन्तव्यकै क्रममा नवप्रवेशीलाई बधाइ तथा शुभकामना दिँदै पूर्वाग्रही भएर शिक्षकमाथि व्यवहार नगर्न समेत सम्बन्धित निकायको ध्यानाकर्षण गराउनु भयो ।
भीमेश्वर नगर समिति अध्यक्ष राजन कार्कीको अध्यक्षतामा सम्पन्न कार्यक्रममा नेपाल शिक्षक महासंघ दोलखाका सदस्य सुर्यप्रसाद चौलागाँई,नेपाल राष्ट्रिय शिक्षक संगठन जिल्ला समिति उपाध्यक्ष किशोर दाहाल, नवप्रवेशी शिक्षकहरु दिपकराज जोसी र सादर मल्लले मन्तव्य व्यक्त गर्नुभएको छ ।