रविता महत
दोलखा कालिञ्चोक गाउँपालिका बावरे वडा नम्बर ९ कि ५० वर्षिया रिता पाण्डे घाँस काट्न जाँदा जेठ २९ गते लड्नुभयो । लडेर बायाँ खुट्टामा भाच्चिएपछि नजिकैको अस्पताल सिंगटी सामुदायिक अस्पताल पुग्नुभयो । सिंगटी सामुदायिक अस्पतामा उपचार सम्भव नभएपछि चरिकोट स्थित सामुदायिक अस्पताल पुगेको देवीका श्रीमान् दल बहादुर पाण्डे बताउनुहुन्छ । खुट्टाको शल्यक्रिया गर्नुपर्ने अवस्था देखिएपछि चरिकोटको सामुदायिक अस्पतालबाट च्छो–रोल्पा जनरल अस्पतालमा आइपुग्दा हाडजोर्नी तथा नशा रोग विशेषज्ञ डाक्टरबाट शल्यक्रिया हुने थाहापाए पछि निक्कै खुशी लागेको वताउनुहुन्छ । पाण्डे भन्नुहुन्छ–काठमाण्डौं जान खर्चिलो र झन्झट हुन्थ्यो हड्डीको ठूलो डाक्टर यहि भएपछि हामीलाई ढुक्क भयो । एकै दिन बैतेश्वर गाउँपालिकाका १२ वर्षिया विराज श्रेष्ठ पनि दाँया हात झुन्ड्यादै च्छो–रोल्पा अस्पताल भित्र पसे । बल खेल्दै गर्दा लडेका विराजको दाँया हात भाच्एिपछि सिधै च्छो–रोल्पा अस्पताल लिएर आएको विराजकी आमा दिलमाया श्रेष्ठ वताउनुहुन्छ ।

रेडियोबाट हाडजोर्नीको डाक्टर हुनुहुन्छ भन्ने सूचना पाएपछि च्छो–रोल्पा अस्पतालमा आएको दिलमायाको भनाई छ । दिलमाया भन्नुहुन्छ–“आउने वित्तिकै नकुराई समयमानै अप्रेशन भयो काठमाण्डौ लानु पर्छ भन्ने चिन्ता थियो सबै उपचार छिटो भयो । ”दोलखा बैतेश्वरकी ३५ वर्षिया एक कुमारी श्रेष्ठको पनि भाच्चिएको हात लिएर अस्पताल आइपुग्नु भयो । एक्स–रेको रिपोर्ट पछि शल्यक्रिया नै गर्नु पर्ने देखियो । एकै दिन तीन जना विरामी शल्यक्रिाया गर्नु पर्ने समस्या लिएर आएपछि दोलखाबाटै हाडजोर्नी विशेषज्ञ सेवा दिन पाउँदा खुशी लागेको बताउनुहुन्छ हाडजोर्नी तथा नशा रोग विशेषज्ञ डाक्टर डाक्टर सुरेश बहादुर थापा ।
बैशाख २९ गतेबाट हाडजोर्नी विशेषज्ञ डाक्टर डाक्टर शुरेश बहादुर थापाको नेतृत्वमा ट्रमा इकाई सुरु भएपछि हाडजोर्नी सम्बन्धी उपचार सहजरुपमा दिन सकिएको मेडिकल डाइरेक्टर डाक्टर विनोद दंगाल बताउनु हुन्छ । ट्रमा ईकाई सञ्चालनमा आएपछि ३० ओटा भन्दा वढि जटिल प्रकृतिको शल्यक्रिया गरिसकिएको डा दंगाल बताउनुहुन्छ ।