यातयात व्यवसायीको आन्तरिक द्धन्दका कारण दोलखामा सोमबारदेखी बन्द रहेको सार्वजनिक यातयात आज दिउसोबाट सुचारु भएको छ । पूर्व अरनिको यातायात  र रोल्वालिङ यातायातबीच ४ बुदे सहमती भएपछि आज दिउसोबाट यातयात सुचारु भएको हो ।
आज जिल्ला प्रशासन कार्यलयमा भएको सहमती अनुसार यातयात अवरोधमा भएको झडपमा घाइते भएकाको उपचार गर्ने व्यवस्था मिलाउने र सोको एक अर्को पक्षले अस्वीकार गरेमा कानूनी कारवाहीको लागि आवश्यक प्रकृया अगाडी बढाउने सहमती भएपछि यातयात सुचारु भएको हो ।

सहमती अनुसार पूर्व अरनिको यातायात  र रोल्वालिङ यातायात बीच विगतमा भएको समझदारीलाई हाल पनि कार्यान्वयन गर्ने,आजबाट निर्वाद रुपमा दुवै समितिले यात्रुबाहक बस संचालन गर्ने ,कोही कसैबाट अवरोध भएमा छानविन गरि आवश्यक कानूनी कारवाही अगाडी बढाउने रअरनिको यातायात र रोल्वालिङ यातायातबीच यि माथिका निर्णयहरुमा असहमति वा असमझदारि भएमा यतायत समितिबिच सहकार्य र सहमति गरि अगाडि बढ्ने निर्णय भएको हो ।
पूर्व अरनिको र रोलवालिङ यातायातबीचको विवादका कारण दोलखामा २ दिनदेखी सार्वजनिक यातायात प्रभावित बनेको थियो .

बन्द दुवै यातायातले एकले अर्कोलाई निषेध गरेका कारण दोलखामा लामो तथा छोटो दूरीका सार्वजनिक यातायात दुई दिनदेखि प्रभावित बनेको थियो .