बाँदरको आक्रमणबाट घाइते भएका बालकको स्वास्थ्य अवस्था सुधारोन्मुख रहेको छ ।
काठमाण्डौको टेकु अस्पतालमा उपचारत मुग्रातीको स्वास्थ्य अवस्थामा सुधार आएको भीमेश्वर नगरपालिका वडा नम्बर ४ का वडाध्यक्ष तारानाथ चौलागाईँले बताउनु भयो ।
बारीमा मकै खान आएका बादर धपाउने क्रममा वडा नं ४ निवासी छत्र बहादुर मुग्रातीका १३ वर्षीय छोरा प्रमोद मुग्रातीलाई हिजो बाँदरले आक्रमण गरेको थियो । वडाध्यक्ष चौलागाईका अनुसार ठूलो सङ्ख्यामा आएका बाँदको हुलले टोक्ने र चिथोर्ने गरेर बालकलाई घाइते बनाएका थिए ।

बाँदरको आक्रमणबाट घाइते भएका बालकको पशुपति चौलागाई स्मृति अस्पतालमा सामान्य उपचारपछि थप उपचारको लागि टेकु अस्पताल काठमाण्डौ लगिएको थियो । वडा नं ४ का वडाध्यक्ष चौलागाईँको पहलमा घाइते भएका बालकको उद्दार गरी काठमाण्डौं पठाइएको थियो । उपचाररत बालक अहिले अस्पतालबाट डिस्चार्ज भएका छन् तर अझै केही समय अस्पतालकै निगरानी रहनु पर्ने पनि वडाध्यक्ष चौलागाईँको भनाइ छ ।