दोलखा
विहानदेखि अवरुद्ध सिंगटी सडक अहिले ५ बजेबाट सुचारु हुने इलाका प्रहरी कार्यालय सिंगटीका इन्चार्ज सानु तमाङले जानकारी दिनुभयो ।यात्रुबाहक बसमा मृत फेला परेका सहचालकका आफन्तले दोषीलाई कारबाही र क्षतिपूर्तिको माग गर्दै आज दिनभर अवरूद्व सडक अहिले ५ बजेबाट सुचारु गर्ने तयारी भएको भइरहेको हो ।
मृतकका आफन्तले हत्या भएको भन्दै छानबिन र उचित क्षतिपूर्तिको माग गरेर सडकमा टायर बालेर प्रदर्शन गर्नुका साथै सिँगटी चरिकोट सडक अवरुद्ध पारेका छन् ।
कालिञ्चोक गाउँपालिका– ४ को दोलखा सिँगटी सडक खण्डको बञ्चरेमा बा २ ख ८३९ नम्बरको बसका सहचालक गौरीशंकर गाउँपालिका– ३ महताराका ४५ वर्षीय नारायणबहादुर खत्री असार १५ गते बिहान मृत फेला परेका थिए ।

मृतकका आफन्तले शव नबुझेपछि ३ दिनदेखि पशुपति चौलागाईं स्मृति अस्पतालमा राखिएको आफन्त हरि बहादुर खत्रीले जानकारी दिनुभयो ।
हाल पीडित पक्ष र यातायात व्यवसायी बीच वार्ताको लागि जिल्ला प्रहरी कार्यालयले समन्वय गरिरहेको जिल्ला प्रहरी कार्यालय दोलखा प्रहरी निरीक्षक राजेश सिग्देलले  जानकारी दिनुभयो ।  घटनाको आवश्यक अनुसन्धानको लागि ३ दिन अगाडि नै बसका चालकसहित सङ्कास्पद ३ जनालाई प्रहरीले नियन्त्रणमा लिएर अनुसन्धान गरिरहको छ ।