गैर आवासीय नेपाली संघ स्वीजरल्याण्डको अध्यक्षमा कृष्ण प्रसाद शिवाकोटी चयन हुनु भएको छ । दोलखा कालिञ्चोक गाउँपालिका वडा नं ८ का शिवाकोटी गैर आवसीय नेपाली संघ राष्ट्रिय समन्वय परिषद स्वीजरल्याण्डको अध्यक्षमा निर्विरोध निर्वाचित हुनुभएको हो ।
स्वीजरल्याण्डको बेर्नमा सम्पन्न आठौ महाधिबेशनले उपाध्यक्षमा जीवन भट्टराई र राकेशचन्द्र प्रजापती, महासचिवमा याम काउचा मगर, सचिवमा सुनिता तमाङ, कोषाध्यक्ष विनिता सुनारलाई चयन गरेको हो । संघको महिला संयोजकमा चम्पा ज्ञवाली रुक्सथूल, युवा संयोजकमा आशिस परियार, प्रवक्तामा रेशम खत्री र सदस्यमा सारा पुन सर्वसहमत हुनुभएको छ भने आइसिसी सदस्यमा पनि शुभ एल्मार लामा चयन हुनु भएकोछ ।

स्वीजरल्याण्डका लागि नेपाली कार्यबाहक राजदूत उत्तम कुमार शाहीको प्रमुख आतिथ्यतामा सम्पन्न कार्यक्रममा एनआरएनए युरोप संयोजक चिन्तामणि सापकोटा, एनआरएनए आईसिसी पयवेक्षक आईसिसी सदस्य सिमा गौतम लगायत बिभिन्न संघ संस्थाका प्रतिनिधिहरुले सफलताको शुभकामना दिनु भएको जनाइएको छ ।
यस अगाडि दुई कार्यकाल महासचिवको जिम्मेवारी पूरा गर्नुभएका शिवाकोटी विगत लामो समयदेखि स्वीजरल्याण्डमा बसोबास गर्दै आउनुभएको छ