नागरिक समाज दोलखाको अगुवाईमा दोलखा सदरमुकाम बजार सरसफाइ गरिएको छ । नागरिक समाजका अगुवा चिरञ्जीवी मास्केको नेतृत्वमा विभिन्न संघसंस्थाका प्रतिनिधिको सहभागितामा सातदोबाटोदेखि कुबेर होटलसम्मको फुटपाथ सरसफाई गरेको हो ।

लामोसाँगु जिरी सडकको सातदोबाटो चोकमै फुटपाथ घाँसले ढाकेपछि भीमेश्वर नगरपालिकाको वडा नम्बर ६ का वडा अध्यक्ष नवीन लामा,पत्रकार जीवन लामा,दोलखा युवा परिषद अध्यक्ष भरत श्रेष्ठ,अनेरास्वियु दोलखाका नेता तथा कार्यकर्ता,प्रेस चौतारी दोलखाको प्रतिनिधि लगायतले बजार सरसफाई गरेको छ । फुटपाथमा घाँस र झारले हिड्नै नमिल्नेभएपछि नागरिक समाजको अगुवाइमा आजबाट सरसफाइ शुरु गरिएको हो ।

प्रत्येक महिनाको तेस्रो साता बजार सरसफाइ गर्ने अभियानको रहेको नागरिक समाज दोलखाले जनाएको छ । सामाजिक अभियन्ता सहित विद्यार्थी नेताहरुको टोलीले चरिकोटमा साटदोबाटोबाट होटल कुवेर सम्मको सडक आसपास सरसफाई गरेको हो ।