भीमेश्वर नगरपालिका वडा नं ५ ले विपन्न परिवारका सदस्य विरामी भए एम्बुलेन्स सेवामा आर्थिक सहयोग गर्ने निर्णय गरेको छ । दोलखाको भीमेश्वर नगरपालिका वडा नम्बर ५ ले उपचारको लागि अस्पताल सम्म पुग्न विपन्न परिवारका विरामीलाई एम्बुलेन्स सेवा मार्फत ५ हजार रुपैया आर्थिक सहयोग गर्ने जनाएको छ ।
भिमेश्वर नगरपालिका वडा नम्वर ५ मा वसोवास गर्ने र न्युन आय भएका विपन्न परिवारका सदस्यहरु विरामी परेमा अस्पताल सम्म जानका लागि वडाले आर्थिक सहायता स्वरुप ५ हजारसम्म एम्वुलेन्स खर्च उपलब्ध गराउने निर्णय भएको वडा अध्यक्ष वासु श्रेष्ठले जानकारी दिनुभयो ।
वडाको साउन १६ गते बसेको वैठकले आवश्यक काजगात सहित विपन्न परिवार निवेदन दिन आएमा एम्वुलेन्स सेवाको लागि सिफारीस गरिने निर्णय गरेको छ ।
वडाध्यक्ष श्रेष्ठका अनुसार निशुल्क एम्वुलेन्स सेवाका लागि वडाले ५० हजार रुपैया बजेट विनियोजन गरेको छ