कालिनाग माध्यमिक विद्यालय सुनखानी पूर्व विद्यार्थी समाजले कक्षा ११ का विद्यार्थीका लागि सहयोग गरेको छ । कालिञ्चोक गाउँपालिका वडा नं ८ मा रहेको कालिनाग माध्यमिक विद्यालयमा अध्ययनरत  विद्यार्थीलाई विद्यालय पोशाक, जुत्ता, झोलाका साथै स्टेशनरी सामग्री वितरण गरेका हुन् ।

कालिनाग माध्यमिक विद्यालय सुनखानीका पूर्व विद्यार्थी समाजका अध्यक्ष सन्तोष पाण्डेले विद्यालयका कक्षा ११ का विद्यार्थीहरुलाई सहयोग सामाग्री हस्तान्तरण गर्नु भयो । कक्षा ११ र १२ मा विद्यार्थीको सङ्ख्या बढाउन प्रोत्साहन गर्ने उद्देश्यले ७५ हजार रकम बराबरको सामग्री सहयोग गरेको समाजका अध्यक्ष सन्तोष पाण्डेले बताउनुभयो । उहाँले भन्नुभयो,“कक्षा ११ मा जति हुन्छन् सबैलाई सहयोग गर्छौ;स्थानीय शैक्षिक संस्थामा विद्याथीको सङ्ख्या वृद्धिसंगै शैक्षिक गुणस्तर बढाउन सहयोग पुग्ने हामीले अपेक्षा गरेका गरेका छौ ।”

कार्यक्रममा विद्यालयका प्रधानाध्यापक ऋषिराम शर्मा,पूर्व विद्यार्थी समाजका पदाधिकारी,अभिभावक तथा विद्यार्थीको सहभागिता रहेको विद्यालयका सहायक प्रधानाध्यापक अर्जुन थापाले जानकारी दिनुभयो ।