साउन १९
दोलखाको गौरीशंकर गाउँपालिका वडा नम्बर ७ मा पहिरोमा वेपता भएको एकको शव फेला परेसंगै मृत्यु हुनेको संख्या २ पुगेको छ ।
आज दिउसो पहिरोमा बेपत्ता थप एक महिलाको शव फेला परेसँगै मृतकको संख्या दुई पुगेको हो । पहिरोको दबदबे हिलोमा पुरिएको अवस्थामा मार्वु टोपाटारकी ५० वर्षीया देवीमाया मगरको शव फेला परेको दोलखाका प्रहरी नायव उपरिक्षक दिपक खड्काले बताउनुभयो ।
आज दिउँसो मार्वु टोपाटारकै १५ महिने नाबालक प्रिन्स थामीको शव फेला परेको थियो ।दोलखाको गौरीशंकर गाउँपालिका वडा नम्बर ७ टोपाटारमा पहिरोमा घाइते भएका २ जनाको हेलिकप्टर मार्फत उद्धार गरिएको छ ।पहिरोमा परी ४० बर्षका यज्ञवहादुर थामी, उनकी ३९ बर्षिया श्रीमती धनमाया थामी र २२ बर्षिया बुहारी सिता थामी घाइते भएका छन् ।
घाईते मध्ये यज्ञवहादुर र धनमायालाई आज दिउँसो हेलिकोप्टर मार्फत उद्धार गरी थप उपचारका लागि काठमाडौं लगिएको छ । उनीहरुको काठमाडौं मेडिकल कलेज सिनामंगलमा उपचार भईरहेको छ । अर्की घाईते सिता थामीलाई पनि थप उपचारको लागी काठमाडो लगिएको जिल्ल प्रशासनक कार्यलय दोलखाले जनाएको छ।
यस्तै पहिरोले घर पुरिँदा टोपाटारका कृष्ण मगर र स्थानीय हरिलाल श्रेष्ठ बेपत्ता भएका छन् ।