बुना घिमिरे

भीमेश्वर नगरपालिका दोलखाले सुस्पा क्षमावतीकीे सुत्केरी महिलालाई खाद्यान्न तथा पौष्टिक आहार प्रदान गरिएको छ । दोलखा भीमेश्वर नगरपालिका वडा नम्बर १ क्षमावतीकी अति विपन्न सावित्रा थामीलाई भीमेश्वर नगरपालिकाले खाद्यान्न तथा पौष्टिक आहार सहयोग गरेको हो  ।

केही दिन अगाडि सुत्केरी भएकी थामीको घरमा खाद्यान्न तथा पौष्टिक आहार नभए पछि नगरपालिकाका प्रमुख इश्वर नारायण मानन्धर सहित टोली शनिबार घरमै पुगेर २० हजार बराबरको खाद्यान्न तथा पौष्टिक आहार र ५ हजार नगद सहयोग गरेको हो ।ज्याला मजदुरी गरेर परिवारको गुजार चलाइ रहेका श्रीमान जेल परे पछि थामीको परिवारमा समस्या परेको थियो । सावित्राले श्रीमान जेल परेको र आफू गर्भवती भएका कारण ज्याला मजदुरीको काम गर्न नसकेको गुनासो गरे पछि नगरपालिकाले केहि महिना अघि १० हजार सहयोग गरेको थियो ।

समस्यामा परेकी सुत्केरीलाई बचाउनु हाम्रो कर्तव्य हो, दीन दुखीको उद्वार गर्ने जिम्मेवारी पनि नगरको भएकाले सहयोग गरेका हौःनगरपालिका प्रमुख मानन्धरले भन्नुभयो । सामाग्री सहयोग पाएसंगै सुत्केरी थामी खुसी हुदै स्थानीय सरकारले सहयोग गरेकोमा खुसी हुनुभयो ।

सुत्केरी अवस्थामा रहेकी ३२ वर्षीया सावित्रीको परिवारको उद्वारको लागि छिमेकीहरुले समेत सकेको सहयोग गर्दै आएका छन् ।