साउन २२
दोलखा कालिञ्चोक गाउँपालिकाको  स्थायी केन्द्र कुभिण्डेमा राख्ने निर्णय भएको छ ।
कालिञ्चोक गाउँपालिकाको आज बसेको गाउसभाले सर्वसम्मत रुपमा पालिकाको केन्द्र वडा नम्बर ४ को कुभिण्डेमा राख्ने निर्णय गरेको हो ।
गाउँपालिकाको अध्यक्ष अर्जुन शिवाकोटीले पेश गरेको प्रस्तावमा अध्यक्ष सहित ३२ जनाले पक्षमा मतदान गरेका थिए भने ९ जनाले विपक्षमा मतदान गरेका थिए ।
त्यस्तै ६ जनाले भने कुनै पनि पक्ष विपक्षमा मतदान नगरेको पालिकाले जनाएको छ ।
अघिल्लो कार्यकालमा गाउँपालिकाको को केन्द्र कहाँ राख्ने भन्ने विषयमा मतभेद हुदा केन्द्र विवाद समाधान हुन सकेको थिएन ।
६ वर्षपछि गाउँपालिकाको  केन्द्र तोकिएपनि कतिपयले अपायक स्थानमा केन्द्र तोकिएको भन्दै सामाजिक सञ्जालमा विरोध जनाइरहेका छन भने कतिले समर्थन जनाइरहेका छन । पालिकाको कामकाज हाल वडा नम्बर ८ सुनखानीबाट सञ्चालन हुदै आएको छ ।