पहिरोमा पुरिएर निउरो टिप्न गएका बाबुछोरा वेपता,खोजी कार्य जारी

2 वर्ष अगाडि | समदृष्टि अनलाइन संवाददाता

साउन २८
दोलखाको विगु गाउपालिका वडा नम्बर ७ मा खोलाले तर्ने क्रममा निउरो टिप्न गएका २ जना वेपता भएका छन ।
विगु गाउपालिका वडा नम्बर ७ का अन्दाजी ३५ वर्षिया निम्दोर्जे शेर्पा र उनका अन्दाजी १२ वर्षिया छोरा पासाङ शेर्पा वेपता भएका हुन ।
आज दिउसो गाउ नजिकैको जंगलमा निउरो टिप्न गएका बाबुछोरा वेपता भएको प्रहरीले जनाएको छ । गाउ नजिकैको तिनपाटे जंगलबाट निउरो टिपेर फर्कदै गर्दा खहरे खोला तर्ने क्रममा माथिबाट आएको पहिरोको लेदोले पुरिएर वेपता भएको वडा अध्यक्ष दिलबहादुर श्रेष्ठले बताउनुभयो ।
निउरो टिप्न संगै गएका अर्का एक जना भने खोलाबाट निस्कन सफल भएका छन ।
खोलामा वेपता भएका बाबुछोराको अहिले प्रहरी खोजी गरिरहेको जिल्ला प्रहरी कार्यलय दोलखाले जनाएको छ ।
निरन्तरको वर्षा कारण खहरेमा आएको बाढीसंगै पहिरोको लेदो पनि आएको थियो ।