भदैा १२
दोलखा सदरमुकाम चरिकोटमा मोटरसाइकल दुर्घटना हुदाँ ३ जना घाइते भएका छन घाइते मध्ये एक जनाको अवस्था गम्भीर रहेको छ ।

चरिकोट/सिंगटी सडक खण्ड अन्तर्गत जिल्ला प्रहरी कार्यालय नजिकै दुई मोटरसाइकल एकआपसमा ठोकिँदा भीमेश्वर नगरपालिका ६ पोखरे बस्ने ६५वर्षिया ढाल बहादुर सापकोटा गम्भीर घाइते भएका हुन् । आज दिउँसो दुर्घटनामा परि घाइते भएका उनलाई च्छोरोल्पा जनरल अस्पतालमा सामान्य उपचारपछि काठमाडौंको ट्रमा सेन्टरमा रिफर गरिएको जिल्ला प्रहरी कार्यालय दोलखाले जनाएको छ ।
त्यस्तै कालिञ्चोक गाउपालिका ०३ सिंगटी बस्ने २४ वर्षिया लाक्पा शेर्पा र निजको पछाडी सवार आमा पेमल्हमु शेर्पा घाइते भएका छन। घाइते दुबैको पीयसीमा उपचार भईरहेको छ । चरिकोटबाट सिंगटी तर्फ जादै गरेको बा.प्र.०२-०१ प ३५०८ नं. को मोटरसाइकल र बिपरित दिशा बाट आउदै गरेको बा.प्र.३-०२-००१ प २८३६ नं. को मोटरसाइकल एक आपसमा ठक्कर खादा दुर्घटना भएको जिल्ला प्रहरी कार्यालयले जनाएको छ।