जुनतारा कृषि सहकारी संस्थाको वार्षिक साधारण सभा सम्पन्न भएको छ । भीमेश्वर नगरपालिका ३ मा रहेको कृषि सहकारी संस्थाको १४ ओैं वार्षिक साधारण सभा शनिबार सम्पन्न भएको हो ।
सहकारी संस्थाकी अध्यक्ष अनिता श्रेष्ठको अध्यक्षतामा सम्पन्न साधारण सभामा संस्थाकी सचिव पार्वती श्रेष्ठले संस्थाको नीति तथा कार्यक्रमसहितको प्रगति प्रतिवेदन प्रस्तुत गर्नु भएको थियो भने कोषाध्यक्ष अञ्जु शिवाकोटीले ५ करोड ३४ लाख बराबरको आर्थिक प्रतिवेदन प्रस्तुत गर्नुभएको थियो ।
भीमेश्वर नगरपालिका वडा नं ३ का वडाध्यक्ष हरिशरण शिवाकोटीको प्रमुख आतिथ्यतामा सम्पन्न कार्यक्रममा निर्वतमान अध्यक्ष प्रविण श्रेष्ठलाई सम्मान गरिएको छ भने उत्कृष्ट ऋणी, बालबचत कर्ता, उत्कृष्ट बचतकर्ता सम्मानित भएका छन् ।

कार्यक्रममा भीमेश्वर नगरपालिका वडा नं ३ का वडाध्यक्ष हरिशरण शिवाकोटी,सहकारीका सल्लाहकारहरु सरुणा बस्नेत,भुवन कुमार श्रेष्ठ,प्रविण श्रेष्ठ,मन कुमार श्रेष्ठ,कृषि ज्ञान केन्द्र सेवा कार्यालय चरिकोटका प्रमुख नन्दराज ओली,चरिकोट बहुउदेश्यीय सहकारीका अध्यक्ष विकास चौलागाईँ लगायतले शुभकामना मन्तव्य व्यक्त गर्नुभएको जुनतारा कृषि सहकारी संस्था सञ्चालक समिरा बस्नेतले बताउनुभयो । सहकारीमा हाल १ हजार २ सय ८० जना सदस्यहरु रहेका छन् ।