पुराना लोकसंस्कृति हराउँदै गएको बेला हाम्रो जनकल्याण सहकारी संस्था दोलखा भने स्थानीय कला संस्कृतिको संरक्षणलाई प्राथमिकता दिँदै आएको छ । विगतका वर्षमा जस्तै यो वर्षपनि सहकारीले खैजडी भजन र लोकदोहोरी सहितको २६ औ वार्षिक साधारणसभा सम्पन्न भयो ।
पुराना पुस्तामा रहेका मौलिक लोक संस्कृति लोप हुने अवस्थामा पुगेका बेला सहकारीले खैजडी भजन र लोक दोहोरीलाई विभिन्न कार्यक्रममा उपस्थित गराएर प्रस्तुतिको अवशर दिने गरेको छ ।
अहिले पुरानो पुस्ता र नयाँ पुस्ताबीचको सिप हस्तान्तरणको अभाव भएकाले पुराना कला तथा संस्कृतिको संरक्षण गर्नु सहकारीको पनि दायित्व भएको सहकारीका अध्यक्ष राजन श्रेष्ठले बताउनुभयो ।
“जिल्लामा धेरै मौलिक, कलासंस्कृति रहेका छन् । जेष्ठ सदस्यको यसमा चासो र चिन्ता पनि छ । जेष्ठजनको खुसी अनि संस्कृतिको सम्मानका लागि विगतका वर्षदेखि खैजडी भजन प्रस्तुतिलाई हामीले प्राथमिकतामा राखेका छौ । यसलाई संरक्षण नगर्दा धेरै संस्कृति लोप हुने अवस्थामा पुगेका छन्, यसको संरक्षण तथा संवद्र्धन गर्नु हाम्रो पनि कर्तव्य हो ।”सहकारीका प्रमुख कार्यकारी अधिकृत दिपकबस्नेतले भन्नुभयो ।
सहकारीले दोलखा बोचका १५ जना भजन टोलीलाई नेपाली दौरा सुरुवाल र ढाका टोपी सहितका पोशाक सहयोग गरेको छ । सहकारीले दिएको एउटै पोशाक लगाएर विभिन्न कार्यक्रममा सहभागी हुन्छौं ‑ भजन टोलीका अगुवा ८४ वर्षीया जेष्ठ नागरिक गंगाधर रेग्मीले खुसी व्यक्त गर्नुभयो ।
“सबैले हेला गरेको पौराणिक भजनलाई हाम्रो जनकल्याण सहकारीले प्राथमिकता दिएर प्रत्येक कार्यक्रममा स्थान दिँदै आएको छ । हामी खुसी छौं ।”अर्का जेष्ठनागरिक अर्जुन रेग्मीले बताउनुभयो । आजको पुस्तामा हस्तान्तरण गरेर मर्न पाए हुन्थ्यो । उहाँले विद्यालय तहबाटै सिकाउन पाए केही भएपनि संरक्षण हुने अपेक्षा गर्नुभयो । “यो वातावरण सहकारीले बनाउँछ कि भन्ने आशा लागेको छ ।”उहाँले आशाको भाव प्रकट गर्नुभयो ।
दोलखा जिल्लाभर कार्यक्षेत्रर रहेको हाम्रो जनकल्याण बचत तथा ऋण सहकारी संस्थामा ९ हजार सदस्य रहेका छन् । तीमध्ये बोचका भजन टोलीका सबै सदस्य सहकारीमा आवद्ध रहेका छन् ।

सहकारीले भजनमात्र नभएर २६ औं साधारण सभामा लोक दोहोरी कार्यक्रमको समेत आयोजना ग¥यो । लोक दोहोरीको मिठासमा सबै शेयर सदस्यले मनोरञ्जन मात्र लिएनन् । सहकारीमाथि थप विश्वास र सेवा सुविधाका बारेमा दोहोरीबाटै प्राप्त गरे ।
दोहोरी गीत र पौराणिक भजन आजको पुस्ताले वेवास्ता गर्दै गएको समयमा सहकारीले भने लोक दोहोरी र पौराणिक भजनलाई नै सन्देशको राम्रो माध्यम बनायो ।
अन्त जाँदा होला है डर मर्दो
जनकल्याण सबभन्दा भरपर्दो
भन्दै केटा पक्षले शुरुवात गरेको लोक दोहोरीमा
वचत गर्न काँ जाने होला ?
जाँ पायो त्यही सुरक्षित नहोला
भन्दै केटी पक्षले दिने प्रश्नोत्तरको मिठा र मनोरञ्जपूर्ण शैलीलाई दर्शकले निकै स्वाद मानेर सुने । “मनोरञ्जन पनि भयो सहकारीको बारेमा जानकारी पाएसंगै थप उत्प्रेरणा पनि जाग्यो ।”मादलको तालमा घन्काइएको दोहोरी गीतले हाम्रो संस्कृतिलाई सम्झायो ।“कार्यक्रममा सहभागी शेयर सदस्य कल्पना कार्कीले भन्नुभयो ।

सहकारीले अर्को वर्ष १५ हजार शेयर सदस्य पु¥याउने योजना पनि गीतबाटै सुनाइएको थियो । हाम्रो जनकल्याण सहकारी संस्थाका सूचना अधिकारी पर्वत न्यौपानेको शब्द रहेको लोक गीतले सहकारीका सेवा र सुविधालाई पनि निकै आकर्षक रुपमा प्रस्तुत गरेको थियो । कार्यक्रममा मन्तव्यको समयमा चहलपहल,होहल्ला गरिहाल्ने दर्शकहरु लोक दोहोरीलाई भने निक्कै ध्यानपूर्वक सुन्दै थिए ।
खाजा खर्च लिएर बेलैमा घर फर्कन हतारिने शेयर सदस्यलाई सहकारीको यो विविधताले झण्डै बेलुकीसम्मै रोकेर राख्यो । सहकारीको यो नयाँ कार्यशैलीले शेयर सदस्यको मन जित्न सहयोग गरेको भन्दै कार्यक्रमका सहभागीले खुलेर प्रशंसा गरेका थिए । ।