मंसिर २१

दोलखामा खोज तथा खोज तथा डिजिटल पत्रकारिता तालिम सुरु भएको भएको छ । नेपाल आदिवासी जनजाति पत्रकार महासंघ (फोनिज)को आयोजनामा सञ्चालन गर्न लागिएको तालिम आज एक कायक्रमका बीच भीमेश्वर नगरपालिकाका उपमेयर कमला बस्नेतले उद्घाटन गर्नुभएको हो । भीमेश्वर नगरपालिकाको आर्थिक सहयोगमा सञ्चालन गर्न लागिएको ५ दिने तालिमको उद्घाटन गर्दै उपमेयर बस्नेतले समयअनुसार प्रविधिमैत्री पत्रकारिता गरेर समाजलाई जागृत गराउन आग्रह गर्नुभयो । जिल्लामा विशेष गरी महिला पत्रकारको सहभागीता बढाउन र क्षमता विकास गराउन आफू सधै प्रयत्नशील रहेको धारणा राख्दै निडर र निर्भीक बनेर पत्रकारितामा उदाउन महिला पत्रकारलाई विशेष सुझाव दिनुभयो ।
कार्यक्रममा प्रेस काउन्सिल नेपालका सदस्य चिरञ्जीवी मास्के, भीमेश्वर नगरपालिका–६ का वडाध्यक्ष नवीन लामा, पत्रकार महासंघका सचिव दिलसागर केसी लगायतले शुभकामना मन्तव्य ब्यक्त गर्नुभएको थियो । । फोनिजका अध्यक्ष अर्जुन पाख्रिनको अध्यक्षतामा कार्यक्रमको उद्घाटन गरिएको हो । २५ जना सहभागी रहने तालिमको सहजीकरण पत्रकार केदार शिवाकोटी,तालिम प्रशिक्षक भोला खतिवडा, भीमेश्वर नगरपालिकाका वरिष्ठ सामाजिक विकास अधिकृत नारायण प्रसाद सेढाईले गर्ने कार्यतालिका रहेको आयोजक फोनिज दोलखाले जनाएको छ ।