अखिल नेपाल महिला संघ मेलुङ दोलखामा शान्ता दहालको अध्यक्षतामा नयाँ नेतृत्व चयन भएको छ । उपाध्यक्षमा ईश्वरी अच्छामी, सचिवमा सिता तमाङ र उपसचिवमा देवी कार्की चयन भएका छन् । त्यस्तै कोषाध्यक्षमा कालिका कटुवाल सहित २७ सदस्यीय कमिटि सर्वसम्मत भएको हो ।

समृद्ध नेपाल सुखी नेपाली हाम्रो अभियान समान सहभागिताको लागि सुदृढ संगठन “ भन्ने मुल नाराका साथ सम्पन्न सम्मेलन अनेमसंघ इन्चार्ज शारदा रानाको प्रमुख आतिथ्यता सम्पन्न भएको थियो । कार्यक्रममा अखिल नेपाल महिला संघ केन्द्रीय सदस्य एवम दोलखा क क्षेत्रका इन्चार्ज उर्मिला थामी,े नेकपा एमाले वगमती प्रदेश कमिटी सदस्य जानुका न्यौपाने, अनेमसंघ प्रदेश कमिटी सदस्य सविता खरेल,अनेमसंघ दोलखाका अध्यक्ष मेनुका सुवेदी, मेलुङ गाउपालिकाका अध्यक्ष हिराकुमार थोकर,उपाध्यक्ष गायत्री आचार्य,नेकपा एमाले मेलुङ गाउपालिका ईन्चार्ज शिवहरी थापा,मेलुङ गाउपालिका पार्टी अध्यक्ष अम्बिका गोले,नेकपा एमाले जिल्ला कमिटी सदस्य नवराज खड्का लगायतले कार्यक्रमलाई सम्बोधन गर्नुभएको थियो ।