भीमेश्वर नगरपालिकां ५ मा वडाध्यक्ष प्रथम जिल्लाव्यापी माध्यमिक विद्यालय स्तरीय फुटबल प्रतियोगिता हुने भएको छ । दोलखा भीमेश्वर नगरपालिका वडा नम्बर ५ मा आगामी पुष १४ गते देखि जिल्ला स्तरीय मावि छात्र फुटबल प्रतियोगिता हुने भएको हो ।
भीमेश्वर नगरपालिका वडा नम्बर ५ को आयोजनामा वडामा प्रथम अध्यक्ष कप जिल्ला स्तरीय मावि छात्र फुटबल प्रतियोगिता आयोजना गर्न लागिएको हो । वडा अध्यक्ष बासु श्रेष्ठका अनुसार खेल पौष १४ गते देखि बुढाभीमसेन खेलमैदान धरमघर संञ्चालन हुने छ । खेलमा कक्षा १० सम्म अध्ययन गर्ने छात्रहरु सहभागी हुन पाउने छन् ।

फिफाको नियम अनुसार खेलाईने उक्त प्रतियोगितामा विजेताले ७५ हजार, ट्रफी, मेडल र प्रमाण–पत्र प्राप्त गर्ने छन् । उपविजेताले ३५ हजार, ट्रफी, मेडल र प्रमाण–पत्र प्राप्त गर्ने वडा अध्यक्ष श्रेष्ठले बताउनु भयो । सेमिफाइनलमा पुगेका २ टिमलाई १०–१० हजार, ट्रफी र प्रमाण–पत्र,उत्कृष्ट खेलाडी, सर्वाधिक गोलकर्ता र उत्कृष्ट किपरलाई २ हजार र ट्रफी प्रमाणपत्र प्रदान गरिने छ ।
खेल सहसंयोजक राजु नेपालीका अनुसार हालसम्म २५ टिमले नाम दर्ता गराएका छन् ।
प्रतियोगिताका लागि सम्पूर्ण तयारी पूरा भएको आयोजकको भनाई छ ।