बालबालिकाहरुमाथि इन्टरनेट अनलाइन दुव्र्यवहार दिन प्रतिदिन बढ्दै गएको पाइएको छ । सिविन नेपालले सोमबार दोलखा सदरमुकाम चरिकोटमा आयोजना गरेको अनलाइनमा बालसंरक्षण विषयक अभिमुखीकरण कार्यक्रममा इन्टरनेट अनलाइन दुव्र्यवहार न्युनीकरणमा समयमै सचेत नभए अवस्था असामान्य बन्दै जाने बताएको हो ।
सिविन नेपालले बालबालिकामाथि हुने अनलाइन यौन शोषण सम्बन्धमा गरेको अध्ययनले बालिकाहरुको तुलनामा बालकहरुमाथि बढी यौन शोषण भइरहेको तथ्य देखाएको छ ।
अनलाइनमा नग्न फोटो, अडियो तथा भिडियोहरु बनाएर पठाउनका लागि दबाब झेल्नेहरुमा केटीहरुको तुलनामा केटाहरुको संख्या अधिक रहेको सिविन नेपालका कार्यक्रम व्यवस्थापक माधव लोहनीले बताउनुभयो । उहाँका अनुसार समयमा नै अनलाइन इन्टरनेटको दुरुपयोग रोक्न नसके समस्या बढ्दै जाने छ । कार्यक्रमलाई सहजीकरण गर्दै लोहनीले सबै सरोकारवालाले जिम्मेवार भएर भूमिका निर्वाह गर्न समेत आग्रह गर्नुभयो ।
कार्यक्रममा सिविन नेपालका अध्यक्ष माधव प्रधानले बालबालिकालाई अनलाइन इन्टरनेटबाट हुने दुव्र्यवहार रोक्न सर्वपक्षीय चिन्तन र व्यवहारको आवश्यकता औल्याउँनुभयो ।
जिल्ला प्रहरी कार्यालय दोलखा मुद्दा शाखाको तथ्याङ अनुसार दोलखामा पनि सातामा कम्तिमा पनि एउटा उजुरी आउने गर्छ । अनलाइनमा नग्न फोटो, अडियो तथा भिडियोहरु बनाएर पठाउने,फेस बुक ह्याक,अश्लिल भिडियो पोष्ट लगायतका यौन दूव्र्यव्हारका समस्या लिएर विद्यालय पोशाकमै विद्यार्थी आउने गरेका छन् । दोलखामा भने उजुरी गर्न आउने बालिकाको संङख्या बढी रहेको जिल्ला प्रहरी कार्यालयको तथ्याङ रहेको छ । कार्यालयका अनुसार उजुरी आउने तर जाहेरी दिन भने धेरैले मान्दैनन् यसैले सम्झाउने र मेलमिलाप गराउने काम बढी भएको छ ।
कोभिड १९ का कारण लकडाउन भएपछि बालबालिकाको इन्टरनेट अनलाईन बाल दुव्र्यवहारको समस्या बढ्दै गएको पाइएको छ ।
कार्यक्रमका सहभागीले अनलाइन बाल यौन शोषण कम गर्न अभिभावक जागरुक र सचेत हुनुपर्ने बताए । नीतिगत प्रष्टता पनि आवश्यक भएको धारणा राखे । समस्या समाधानका लागि सचेतनामूलक कार्यक्रम,विद्यालयमा सिर्जनशील कार्यक्रम सञ्चालन र इन्टरनेट अनलाईन बाल दुव्र्यवहारका सन्दर्भलाई स्थानीय पाठ्यक्रममा समेट्न र स्थानीय सरकार सबैभन्दा बढी जिम्मेवार हुनु पर्ने कुरामा कार्यक्रमका सहभागीले जोड दिए ।
अभिमुखीकरण कार्यक्रममा सामाजिक सञ्जालको सुरक्षित प्रयोग,प्रविधिका फाइदा र वेफाइदा,अनलाइन बाल यौन दुव्र्यवहारका प्रकृति,इन्टरनेट अनलाईन बाल दुव्र्यवहारबाट जोगाउन स्थानीय तह,शैक्षिक संघसंस्था,प्रहरी र समग्र नागरिक समाजको भुमिकाका सवाल अभिमुखीकरण कार्यक्रमका विषय रहेका थिए ।
कार्यक्रममा शिक्षक,विद्यार्थी,अभिभावक,भीमेश्वर नगरपालिका प्रतिनिधि,सुरक्षाकर्मी,कानुन व्यवसायी,पत्रकार र विभिन्नन सामाजिक संघसंस्थाका प्रमुख एवम प्रतिनिधिको सहभागिता रहेको थियो ।

अनलाइन यौन शोषणमा परेकाहरुमा ठूलो मात्रामा मानसिक असर देखिएको सिविन नेपालले जनाएको छ ।