हाम्रो साना किसान कृषि सहकारी संस्थाको अगुवाईमा  हाट बजार सञ्चालन हुने भएको छ । हाम्रो साना किसान कृषि सहकारी संस्था लिमिटेड र कालिञ्चो वडा नं. ८ को सहकार्यमा मिलडाँडामा हाटबाजर (कृषि उपज ब्यापार केन्द्र) स्थापना गर्न लागेको हो ।
कृषि बजारको रुपमा विकास गर्ने उद्देश्यले आगामी फागुन १ गतेबाट हाट बजार शुुभारम्भ गर्ने निर्णय भएको सहकारीका अध्यक्ष होम प्रसाद पाठकले बताउनुभयो । कालिञ्चोक गाउँपालिका र गाउँपालिकामा क्रियाशील संघसस्थासंगको सहकार्यमा हाटबजारको शुरुवात गर्न लागिएको जनाइएको छ ।
“कृषि उत्पादन तपाईको, समृद्धी समाजको” भन्ने नारासहित कृषि क्षेत्रको विकासको अभियानमा जुटेको
हाम्रो साना किसान कृषि सहकारी संस्था लिमिटेडको अगुवाईमा हाटबजार सञ्चालन गर्न लागिएको हो । कृषकहरुलाई कृषि उपज सामग्री खरिद र विक्री व्यापारको लागि तयारी रहन समेत हाट बजार व्यवस्थापन समिति कालिञ्चोकले अनुरोध गरेको छु ।