सुनखानी, १७ फागुन
कालिञ्चोक गाउँपालिका भित्र रहेका सहकारी सञ्चालकहरूको भेलाले कालिञ्चोक गाउँपालिका सहकारी सञ्जाल गठन गरेको छ । आनन्ददायक बहुउद्देश्यीय सहकारी संस्थाका कोषाध्यक्ष प्रेमलाल शिवाकोटीको अध्यक्षतामा ११ सदस्यीय सहकारी सञ्जाल गठन भएको हो ।
जिल्ला सहकारी संघ दोलखाका महासचिव दिलबहादुर केसीको अध्यक्षतामा भएको भेलाले उपाध्यक्षमा छलिमाया थामी, सचिव चित्रबहादुर खड्का, कोषाध्यक्ष नारायण रेग्मी चयन भएका छन् । सञ्जालको सदस्यहरूमा कमल कार्की, निरबहादुर बस्नेत, गुरूप्रसाद खरेल, जगत खत्री, कर्णबहादुर थामी, देवेन्द्र थामी, कल्पना शर्मा रहेका छन् । गाउँपालिका भित्र विभिन्न उद्देश्यका सञ्चालित ५६ सहकारी संस्थाहरू रहेका छन् ।

सहकारी अभियानलाई व्यवस्थित र एकअर्का बीच समन्वय गर्न सञ्जाल गठन गरिएको जिल्ला सहकारी संघका कोषाध्यक्ष नवीनकुमार खतिवडाले जानकारी दिनुभयो । सहकारी क्षेत्रको नियम र व्यवस्थापनको जिम्मेवारी स्थानीय तहलाई संवैधानिक अधिकार भएकोले स्थानीय तहलाई सहयोग गर्न पनि सहकारी सञ्जाल आवश्यक रहेको उहाँले बताउनुभयो ।
यश अघि तामाकोसी गाउँपालिकामा सहकारी सञ्जाल सक्रिय रहेको छ । मेलुङ गाउँपालिका र गौरीशंकर गाउँपालिकामा पनि यश अघि नै सहकारी सञ्जाल गठन भएका छन् ।
दोलखाका ९ वटै स्थानीय तहमा यस्तो सञ्जाल विस्तारको अभियान सञ्चालन गर्ने योजना रहेको जिल्ला सहकारी संघ दोलखाले जनाएको छ ।