१८ फागुन, धरमघर ।
बुढाभीमसने माध्यमिक विद्यायलमा आयोजित मैत्रीपूर्ण भलिबल प्रतियोगिताको उपाधि क्षमावती माध्यमिक विद्यालयले प्राप्त गरेको छ ।
दोलखाको भीमेश्वर नगरपालिका ५ स्थित बुढाभीमसेन माध्यमिक विद्यालय धरमघरको वार्षिक दिवसको अवशरमा भएको अन्तिम खेलमा सर्व माध्यमिक विद्यालय जिलुलाई पछि पार्दैै क्षमावती माध्यमिक विद्यालयले उपाधि जितेको हो ।

विद्यालयको ५५ औ वार्षिक दिवस एवम १७ औँ अभिभावक दिवसको अवसर पारेर कार्यक्रमका प्रमुख अतिथि भीमेश्वर नगरपालिकाका मेयर ईश्वर नारायण मानन्धरले पुरस्कार वितरण गर्नु भएको थियो ।विद्यालयले प्रदान गरेको नगर पुरस्कारमा थप गर्दै नगरप्रमुख मानन्धरले विजेता र उपविजेतालई १० ÷१० हजार रुपैँया थप गरिदिने वचन दिनुभएको विद्यायका खेल संयोजक पदम थामीले बताउनुभयो ।
भलिबल प्रतियोगितामा सर्व माध्यमिक विद्यालय जिलुका कृष श्रेष्ठले वेष्ट डिफेन्डर,क्षमावती माध्यमिक विद्यालयका विरप थामीले वेष्ट लिफ्टर,र सोही विद्यालयका मनोज नेपालीले वेष्ट स्पाइकरको उपाधि प्राप्त गर्न सफल भएका छन् ।

कार्यक्रम अवधिभर मुख्य रेफ्रीको भूमिका मेहेश खातीले निर्वाह गर्नुभएको थियो ।
विद्यालयको खेलमैदानमा आयोजना गरिएको खेलमा भीमेश्वर नगरपालिकाका ९ विद्यालयको सहभागिता रहेको थियो ।
विजेता र उपविजेताले नगद पुरस्कारसहित शिल्ड,मेडल र प्रमाणपत्र प्राप्त गरेका छन् ।