नेपाल रेडक्रस सोसाईटी जिल्ला शाखा दोलखाको ४२ औँ वार्षिक साधारण सभा आज चरिकोटमा सम्पन्न भएको छ । साधारण सभाको उद्घाटन गर्नुहुदैँ बागमती प्रदेश सांसद भरत बहादुर केसीले नेपाल रेडक्रस सोसाईटी जिल्ला शाखा दोलखाले गरेको गतिविधिको प्रशंसा गर्नुभएको छ ।
विपदमा परेका दोलखालीका लागि रेडक्रसले गरेको गतिविधिक सकरात्म भएको केसीले बताउनु भयो ।उहाँँले भन्नु भयो “जहाँ जिल्लामा विपद प¥यो त्यहीँ रेडक्रस पुगेको देख्दा निकै खुसी लाग्ने गरेको छ ।” नेपाल रेडक्रस सोसाईटी जिल्ला शाखा दोलखाका सभापति ईश्वरी प्रसाद दाहालको सभापतित्वमा भएको कार्यक्रममा मन्त्री भरत नारायण प्रधानले वार्षिक प्रगति प्रतिवेदन प्रस्तुत गर्नु भएको थियो भने कोषाध्यक्ष भीम बहादुर केसीले ४३ लाख ६२ हजार ६ सय ६२ रुपैयाँ बराबरको आर्थिक प्रगति प्रतिवेदन प्रस्तुत गर्नु भएको थियो ।

सभामा भीमेश्वर नगरपालिकाका उपप्रमुख कमाल बस्नेत, मेलुङ गाउँपालिका अध्यक्ष हिराकुमार तमाङ, तामाकोशी गाउँपालिकाका अध्यक्ष प्रोणप्रताप केसी, विगु गाउपालिका उपाध्यक्ष देवीका थामी, नेकपा एमाले दोलखाका अध्यक्ष नर बहादुर श्रेष्ठ, माओवादी केन्द्र दोलखाका तारानाथ चौलागाई, एकिकुत समाजबादी दोलखाका उपाध्यक्ष सङ्गीता प्राखिन, राप्रपा नेपाल दोलखाका अध्यक्ष नवराज श्रेष्ठ, नेपाली काङ्ग्रेस दोलखाका जिल्ला कार्य समिति सदस्य राजन बस्नेत, राप्रपा दोलखाका विरशङ्कर शाहि, राष्ट्रिय स्वतन्त्र पार्टी दोलखाका प्रवक्ता जयराम खड्का, नेपाल क्षयरोग निवारण संस्था दोलखाका सभापति हर्कबहादुर श्रेष्ठ, नेपाल रेडक्रस जिल्ला शाखा दोलखाका उपसभापति रिता रिमाल लगायतले रेडक्रसले गरेको गविधिको बारेमा आफनो धारणा राख्नु भएको थियो ।
साधारण सभामा संस्थालाई सहयोग गर्ने नगरपालिका,गाउँपालिका,रगतदान गर्न सहयोग गर्ने विभिन्न सरकारी तथा गैर–सरकारी संघ र पत्रकारहरूलाई समेत सम्मान गरिएको थियो ।