दोलखा, चैत ११
दोलखाका जनप्रतिनिधि र पत्रकारहरु बीच मैत्रीपुर्ण फुटबल प्रतियोगिता सम्पन्न भएको छ । होली पर्वको अवशर पारेर आइतबार रोयल मकैबारी फुटसल चरिकोट मैत्रीपूर्ण फुटवल प्रतियोगीता सम्पन्न भएको हो । खेलमा जनप्रतिधिहरुले पत्रकारहरुलाई २–१ गोल अन्तरले पराजित गरे ।
स्वास्थ्य, मनोरञ्जन, सम्बन्ध विस्तारको उद्देश्यले प्रतियोगिताको आयोजना गरिएको अनलाईन समाज दोलखाका अध्यक्ष सुजन काफ्लेले बताउनुभयो ।

खेल कार्यक्रम समापन गर्दै भीमेश्वर नगरपालिका मेयर ईश्वर नारायण मानन्धरले मैत्रीपूर्ण खेलले आपसी भाईचारा बलियो बनाउने बताउदै प्रतियोगीताले खेलकुदको विकास र प्रचारमा सहयोग पुग्ने बताउनुभयो । कार्यक्रममा नेपाल पत्रकार महासंघ दोलखाका अध्यक्ष दीपशङ्कर चौलागाईँले जनप्रतिनिधि र सञ्चारकर्मीकाबीच भावनात्मक सम्बन्ध विस्तार गर्न खेल कार्यक्रम प्रभावकारी हुने धारणा राख्नुभयो ।
अनलाइन समाज दोलखाले आयोजना गरेको प्रतियोगितामा भीमेश्वर नगरपालिका मेयर ईश्वर नारायण मानन्धर,उपमेयर कमला बस्नेत,मेलुङ गाउँपालिका अध्यक्ष हिरा कुमार थोकर लगायत जिल्लाका वडाध्यक्ष एवम वडा सदस्यहरुको उपस्थिति रहेको थियो ।
कार्यक्रममा नेपाल पत्रकार महासंघ दोलखाका पदाधिकारी,अनलाइन समाज दोलखाका प्रतिनिधि,विभिन्न सञ्चार माध्यममा कार्यरत पत्रकारहरुको सहभागिता रहेको थियो ।