जनसचेतन बचत तथा ऋण सहकारी संस्थाले जेष्ठ शेयर सदस्य तीर्थ अवलोकन भ्रमण कार्यक्रम आजबाट शुरु गरेको छ । सहकारीले ६५ उमेर पुरा गरी ७० वर्ष ननाघेका जेष्ठ नागरिकका लागि आजबाट ३ दिने भ्रमण शुरु गरेको हो ।
संस्थामा आबद्ध शेयर सदस्यरु मध्येबाट ६५ वर्ष उमेर पुगी ७० वर्ष ननाघेका,सदस्यता अवधि ५ वर्ष पुुरा भएका सदस्यहरुलाई विभिन्न तीर्थ स्थलहरु अवलोकन भ्रमण गराउने कार्यक्रम अन्तरगत यस वर्षपनि ५७ जना जेष्ठसदस्यलाई ३ दिने भ्रमण शुरु गरिएको सहकारीका जनसम्पर्क अधिकृत राजन दहालले बताउनुुभयो ।
जेष्ठ नागरिकहरुलाई सदस्यहरूलाई हलेशी महादेव, बराह क्षेत्र र जनकपुरधामको तीर्थ अवलोकन भ्रमण गराइने जनसचेतन सहकारीले जनाइएको छ ।
आर्थिक वर्ष ७८।०८९ बाट जेष्ठ नागरिकलाई तीर्थ अवलोकन भ्रमण गराउन शुरु गरिएको थियो । हालसम्म २ सय ३१ जना जेष्ठ शेयर सदस्यलाई भ्रमण कार्यक्रममा सहभागी गराइसकेको छ । भ्रमण कार्यक्रम अर्न्तगत नियमित मासिक बचत र संस्थामा ऋण कारोबार नियमित भएका सदस्यहरू मध्येबाट छनौट गरिएको छ ।
सहकारीका मुख्यकार्यालयसहित १६ सेवा केन्द्रका छनौटमा परेका जेष्ठ शेयर सदस्य भ्रमणमा सहभागी भएका हुुन् ।

संस्थाको मुख्य कार्यालयसहित १७ वटा सेवा केन्द्रबाट सेवा दिँदै आएको छ । संस्थामा हाल ४० हजारको नजिक शेयर सदस्य रहेका छन् । पछिल्लो तथ्याङक अनुसार २ अर्व ४८ कारेड ९२ लाख ६६ हजार बराबर संस्थाको कारोबार रहेको छ । संस्थामा ३२ जना महिलासहित ६४ जना कर्मचारी रहेका छन् ।