२०८० सालको अन्तिम दिन दोलखा भीमेश्वर नगरपालिका वडा नम्बर ४ की ३५ बर्षिया कविता भण्डारी २२ दिनको छोरालाई खोप लगाउन स्वास्थ्य संस्था जाने तयारी गर्दै थिईन । अस्पताल आउने तरखर गर्दैगर्दा कविताका ५ सन्तान मध्ये माहिला छोरा छिमेकीको घरबाट भुइमा बजारिए,दुबै हात चलाउन सकेनन् । चरिकोट स्थित एक अस्पतालमा पुगे, प्राथामिक उपचार पछि दुवै हातको शल्यक्रिया गर्नु पर्ने भयो । चिकित्सकले काठमाण्डौं जान सुझाए, लेवर काम गर्ने विक्रमका बुवाले काठमाण्डौं झट्ट लगि हाल्ने आँट गरेनन् । अनि उनी उपचार कै लागि चरिकोटकै च्छो–रोल्पा अस्पताल आईपुगे ।
प्राथामिक उपचारपछि च्छो–रोल्पा अस्पतालले शल्यक्रियाको लागि फलोअपमा बोलायो तर छिटो र निःशूल्क उपाचारको आशले विक्रमका बुवाले उनलाई बैशाख १० गते बनेपाको एक अस्पतालमा पु¥याए । अस्पतालले जटिल शल्यक्रिया गर्न तत्काल धरौटी राख्न अनुरोध ग¥यो । निःशूल्क उपचारको आशले गएका विक्रमका बुवा त्यहाँबाट निराश हुदैं घर फर्किए र पुनः च्छो–रोल्पा अस्पताल आईपुगे ।
बिक्रमको उपचार जटिल र खर्चालु भएपनि उनको पारिवारीक अवस्था नाजुक रहेकोले अस्पतालले बैशाख १२ गते निशुल्क सल्यक्रिया गरिदिएको अस्पतालका मेडिकल डाईरेक्टर डा. विनोद दंगालले बताए ।

विरामीको बाबुले आर्थिक अवस्था नाजुक भएकोले उपचारमा समस्या रहेको भनेपछि हामीले विरामीको निशुल्क अप्रेशन गरिदिएका छौ– अस्पतालका मेडिकल डाईरेक्टर डा. विनोद दंगालले भने । डा. दंगालका अनुसार विरामीको जटिल शल्यक्रिया गर्न करिव डेढ लाख खर्च लाग्ने थियो । डाक्टर दंगालले आर्थिक अभावकै कारण कोही उपचारबाट बञ्चित हुन नपरोस भनेर शल्यक्रिया नरोकेको बताउनु हुन्छ । डाक्टर दंगाल भन्नुहुन्छ –विपन्न वर्गका मानिसलाई आर्थिक समस्या भएकै कारण उपचारबाट वञ्चित गराउनुहुदैन ।
भीमेश्वर नगरपालिकामा अनुरोध गरेपछि थोरै रकम दिने आश्वसन पाएको र स्थानीय केही व्यक्तिले समेत सहयोग गरेकोले त्यो रकमबाट औषधि किनेको विक्रमको आमा कविता भण्डारीले बताउनु भयो । च्छो–रोल्पा अस्पतालले निशुल्क शल्यक्रिया सहितको सेवा दिएर बिक्रमको उपचार गरीदिएको भण्डारीले बताउनु भयो । नीजि अस्पताल भैकन च्छो–रोल्पा अस्पतालले निशुल्क उपचार गरेर आफ्नो परिवारलाई गुन लगायको उनको भनाई छ ।