भुकम्पपछि दोलखामा सामुदायिक विद्यालयका भौतिक संरचना आकर्षक ढंगले निर्माण भएपनि विद्यार्थी सङख्या भने हरेक वर्ष घटदो क्रममा रहेको छ ।
विद्यालय भवन आकर्षक बनेतापनि त्यहाँ अध्ययन गर्ने विद्यार्थीको सङख्या घटदै जादा संरचना उपयोग हुन समस्या भएको हो ।
दोलखामा २ आर्थिक वर्षको तुलनामा चालु आर्थिक वर्षमा ५ हजार ९ सय ५० विद्यार्थी सङख्या घटेका छन जसले गर्दा विद्यार्थी भवन प्रयोग विहिन जस्तै बनेका छन ।
जनसङख्या वृद्धिदर न्युन हुनु, बसाईसराईको दर बढी हुदा विद्यार्थी सङख्या घटदो क्रममा रहेको जिल्ला शिक्षा तथा समन्वय इकाई दोलखाका प्रमुख शंकरबाबु श्रेष्ठले बताउनुभयो ।

दोलखामा ३ सय ३७ नयाँ विद्यालय भवन मध्ये २ वटा हस्तान्तरण हुन बाकी छ भने एक विद्यालय अझै निर्माणधीन अवस्थामा रहेको छ ।
सामुदायिक विद्यालयमा गुणस्तरीय शिक्षा नभएको कारण बालबालिकालाई निजी विद्यालय पढाउन बाध्य भएको अभिभावकको भनाई छ ।

विद्यालयमा विद्यार्थी सङख्या बढाउन स्थानीय सरकार, विद्यालयहरुबीच समन्वय गरेर योजना बनाउन आवश्यक रहेको पुर्व शिक्षक एवम वडा अध्यक्ष तारानाथ चौलागाईले बताउनुभयो ।