नेपाल मानव धर्म सेवा समिति दोलखा शाखा आश्रमको आयोजनामा सुनखानीको कालिनाग मन्दिरमा महान सत्संग समारोह सम्पन्न भएको छ । भौतिक र आध्यात्मिक सन्तुलन कायम गरी शान्ति र सम्बृद्धिका लागि कार्यक्रम आयोजना गरिएको नेपाल मानव धर्म सेवा समिति दोलखा शाखा आश्रम दोलखाका उपाध्यक्ष गौतम शिवाकोटीले बताउनुभयो ।
कालिञ्चोक गाउँपालिका वडा नं ८ मा रहेको कालिनाग मन्दिर परिसरमा ब्रम्हज्ञानी सन्तमहात्माको उपस्थितिमा महान सत्संग कार्यक्रम गरिएको हो ।

कालिञ्चोक गाउँपालिकाका अध्यक्ष अर्जुन प्रसाद शिवाकोटीको प्रमुख आतिथ्यतामा सम्पन्न समारोहमा केन्द्रीय वाइजीहरु महात्मा चमेली बाइजी,त्रिगुणा बाइजी,लता बाइजी,मानवी र विणा वाइजी र भक्ती संगीत केन्द्रीय सदस्य उत्तम गिरी लगायतले भक्ती संगीतमय प्रवचन दिनुभएको थियो ।

कार्यक्रममा बालसभाका सदस्यहरुले विभिन्न शास्त्रीय नृत्य प्रस्तुत गरेका थिए । सत्संग समारोहमा स्थानीय सरकारका प्रमुख एवम प्रतिनिधि,वडाध्यक्षहरु,नेपाल मानव धर्म चरिकोट शाखाका पदाधिकारी,दोलखाका विभिन्न भेग र भूगोलका भक्तजनहरुको बाक्लो उपस्थिति रहेको धार्मिक अभियन्ता नवराज शिवाकोटी बताउनुभयो ।