कालिनाग युवा क्लव सुनखानी दोलखाको अध्यक्षमा सैलेशबाबु आचार्य सर्वसहमत चयन हुनुभएको छ । कालिन्चोक गाउँपालिका वडा नं. ८ का वडाध्यक्ष सूर्यबहादुर आचार्यको अध्यक्षतामा कालिनाग मन्दिर परिसरमा बसेको विशेष भेलाले क्लवको कार्यसमिति चयन गरेको हो ।
समितिको उपाध्यक्षमा आलोक शिवाकोटी,सचिव सजु शिवाकोटी,सहसचिव सहिष्णु शर्मा र कोषाध्यक्षमा मन्दिता शिवाकोटी चयन हुनुभएको छ । यस्तै सदस्यहरुमा गौरव शिवाकोटी,रामकृष्ण शिवाकोटी,प्रकाश पकुवाल,सुन्दर श्रेष्ठ,दुर्गा मुग्राती र कलावती पाठक रहनुभएको छ ।
विनाशकारी भुकम्पपछि निस्क्रिय रहेको संस्थालाई पुनरजीवन दिएर सुनखानीको सामाजिक साँस्कृतिक,शिक्षा,स्वास्थ्य,खेलकुद र मनोरञ्जनका क्षेत्रको विकाससंगै वडाको थप सम्मृद्धि ल्याउन युवाक्लबको भूमिका विशेष रहने वडाध्यक्ष आचार्यको भनाई छ ।
कालिनाग माध्यमिक विद्यालयका तत्कालीन प्रधानाध्यापक समेत रहनुभएका सामाजिक अभियन्ता मकुन्दराज शिवाकोटीको अगुवाईमा वि.स.२०५० सालमा स्थापना भएको उक्त क्लबले कला,साहित्य,संस्कृति,सामाजिक सेवाको क्षेत्रमा उल्लेखनीय काम गर्दै आएको पूर्व अध्यक्ष मोहन पाठकको भनाई छ । उहाँका अनुसार सुनखानीको सामाजिक,साँस्कृति,शैक्षिक जागरणमा युवाक्लवको भूमिका उल्लेखनीय रहेको छ ।