वागमती प्रदेश सांसद कुन्दनराज काफ्ले बागमती प्रदेश सरकारको मन्त्री वन्नु भएको छ । दोलखाको क्षेत्र नम्वर १ बाट बागमती प्रदेश सभा सदस्यमा निर्वाचत सांसद काफ्लेले प्रदेश मन्त्रीको शपथ लिनु भएको हो । उहाँलाई मन्त्रीको सपथ ग्रहण गराइएपनि मन्त्रालयको भने टुङ्गो लाग्न नसकेको बताइएको छ । दोलखाको तामाकोशी गाउँपालिकाको वडा नम्वर १ मा जन्मिनु भएका काफ्ले प्रदेशसभामो लोकप्रिय र जुझारु युवा नेताका रुपमा परिचित रहनुभएको छ ।

काफ्लेसंगै बाग्मती प्रदेशका नवनियुक्त मुख्यमन्त्री र मन्त्रीहरूले शपथ ग्रहण गरेका छन् । आज प्रदेश प्रमुखको कार्यालयमा प्रदेश प्रमुख यादवचन्द्र शर्माले मुख्यमन्त्री बहादुरसिंह लामा र मन्त्रीहरूलाई पद तथा गोपनीयताको शपथ गराउनुभएको हो । नेकपा एमालेका ६ र नेपाली कांग्रेसका ३ जना मन्त्रीले शपथ लिएका छन् । एमालेबाट प्रकाश श्रेष्ठले कृषि तथा पशुपक्षी, किरण थापाले स्वास्थ्य, कृष्ण सिलवालले वन तथा वातावरण, सुकमाया तामाङले उद्योग वाणिज्य भूमि तथा प्रशासन, अमन मास्केले भौतिक पूर्वाधार विकास र प्रेमभक्त महर्जनले श्रम रोजगार तथा यातायात मन्त्रालयको जिम्मेवारी पाएका छन् । कांग्रेसका ३७ र एमालेका २७ गरी ६४ जना सांसदको समर्थनमा लामा हिजो मुख्यमन्त्रीमा नियुक्त हुनुभएको थियो ।