गौरीशङ्कर क्याम्पसमा मन्त्री काफ्लेको स्वागत
2 हप्ता अगाडि | समदृष्टि अनलाइन संवाददाता
बाग्मती प्रदेशका आर्थिक मामिला तथा योजना मन्त्री कुन्दनराज काफ्लेलाई गौरीशङ्कर क्याम्पस दोलखाले बधाई तथा शुभकामना कार्यक्रम गरेको छ । क्याम्पसका प्राध्यापक तथा विद्याथीले मन्त्री काफ्लेलाई क्याम्पस परिसरमा स्वागत गर्दै शुभकामना कार्यक्रमको आयोजना गरेका हुन् ।
क्याम्पसले आयोजना गरेको बधाई कार्यक्रमलाई सम्बोधन गर्दै मन्त्री काफ्लेले नीति बनाएर काम गर्ने उद्घोष गर्नुभयो । उहाँले परिवर्तनको अनुभूति हुने गरी काम गर्ने विश्वास व्यक्त गर्नुभयो । मन्त्री काफ्लेले वागमती प्रदेश सरकारले हिमाली जिल्लाकै अग्रणी क्याम्पस गौरीशङ्कर क्याम्पसको मागलाई सम्बोधन गर्ने समेत प्रतिवद्धता जनाउनुभयो ।
कार्यक्रममा क्याम्पस प्रमुख शान्त केसीले क्याम्पसको शैक्षिक,भौतिक,प्रशासनिक र समग्र अवस्थाका विषयमा मन्त्री काफ्लेको ध्यानाकर्षण गराउनुभएको थियो । सोमबार विहान क्याम्पसमा पुग्नु भएका मन्त्री काफ्लेलाई स्वागत गर्दै क्याम्पस परिवारले कार्यकाल पूर्ण सफलताको लागि शुभकामना दिएका थिए ।
आइतबार जिल्ला आइपुग्नुभएका मन्त्री काफ्लेलाई नेपाली काँग्रेस दोलखाले स्वागत कार्यक्रमको आयोजना गरेको थियो भने आइतबार नै जिल्ला कार्यालय प्रमुखहरू सँगको छलफल तथा भेटघाट गर्नुभएको थियो ।
गौरीशङ्कर बहुमुखी क्याम्पसमा स्वागत तथा बधाइ कार्यक्रम पछि तामाकोशी,वैत्यश्वर हुँदै मन्त्री काफ्ले जिरी पुग्नुभएको जानकारी प्राप्त भएको छ । मन्त्री नियुक्त हुनुभएपछि पहिलो पटक गृह जिल्ला दोलखा आइपुग्नुभएका काफ्लेलाई स्थानीयहरूले बाजागाजा सहित भव्य स्वागत गरेका थिए ।
२०५१ सालमा कांग्रेसका स्वर्गीय नेता भीमबहादुर तामाङ कानुनमन्त्री भएपछि दोलखाबाट प्रतिनिधित्व गर्ने दोस्रो मन्त्री काफ्ले बन्नुभएको छ । विद्यार्थी राजनीतिबाट खारिएका काफ्ले नेपाल विद्यार्थी संघको महामन्त्री हुँदै १४ औँ महाधिवेशनमा केन्द्रीय सदस्यमा निर्वाचित हुनुभएको थियो । २०७९ को निर्वाचनमा दोलखा प्रदेश सभा क बाट काफ्ले निर्वाचित हुनुभएको थियो ।
भीमेश्वर मन्दिरमा भोलि क्षमा पूजा गरिँदै
समदृष्टि अनलाइन संवाददातादोलखाको भीमेश्वर शिलामा पसिना आएपछि भोलि क्षमापुजा गरिने भएको छ । प्रसिद्ध दोलखा भीमेश्वरको शिलामा एक हप्ताको अवधिमानै...
असारे लोक संस्कृति
समदृष्टि अनलाइन संवाददाताविनिता शिवाकोटी वर्षभरका बाह्र महिनामध्ये असार एक महत्वपूर्ण महिनाका रुपमा लिइन्छ । अझ कृषि र कृषकका लागि यो विशेष...
चरिकोटमा साङ्गीतिक गजल साँझ हुने
समदृष्टि अनलाइन संवाददातादोलखा सदरमुकाम चरिकोटमा साङ्गीतिक गजल साँझको आयोजना हुने भएको छ । बृहत दोलखा महोत्सवको अवसर पारेर दोलखा उद्योग...
स्रष्टा सुशिला शर्माको तेस्रो कृति ‘भुमरी’ विमोचन
समदृष्टि अनलाइन संवाददातासाहित्यकार सुशिला शर्मा न्यौपानेको तेस्रो पुस्तक भुमरी उपन्यास शनिवार विमोचन गरिएको छ । भानु विद्यापति साहित्य प्रतिष्ठानको संयोजनमा सदरमुकाम...
दोलखामा शनिबार गजल साँझ हुने
समदृष्टि अनलाइन संवाददाताभानु विद्यापति साहित्य प्रतिष्ठान दोलखाको गजल साँझ कार्यक्रमको आयोजना गर्ने भएको छ । भोलि बेलुका ४ बजेदेखि बेलुका ७...
सहस्र धारासहित स्वस्थानी ब्रत समापन
समदृष्टि अनलाइन संवाददाताऐतिहासिक दोलखा बजारमा सहस्रधारासहित श्री स्वस्थानी व्रतकथा विधिपूर्वक सम्पन्न गरिएको छ । व्रत समापनको दिन ऐतिहासिक दोलखा बजारमा सहस्र...