अनेमसंघ दोलखाको अन्तरसंवादसहितको तीज विशेष कार्यक्रम
1 हप्ता अगाडि | समदृष्टि अनलाइन संवाददाता
नेपाली महिलाहरूको महान पर्व हरितालिका तीज २०८१ को अवसरमा अखिल नेपाल महिला संघ दोलखाले अन्तरसंवादसंगै तीज विशेष कार्यक्रमका आयोजना गरेको छ । आइतबार दोलखा सदरमुकाम चरिकोटमा तीज पर्वले पारेको प्रभाव र असर विषयमा अन्तरसंवादसंगै मनोरञ्जनात्क कार्यक्रम गरेको अखिल नेपाल महिला संघ दोलखाकी अध्यक्ष मेनुका सुवेदीले बताउनुभयो । अखिल नेपाल महिला संघ स्थायी कमिटि सदस्य तथा दोलखा इन्चार्ज शारदा रानाको प्रमुख आतिथ्यतामा सम्पन्न कार्यक्रममा प्रमुख अतिथि रानाले तीज पर्वमा देखिएका विकृतिलाई सुसंस्कृतिमा रुपान्तरण गर्न आवश्यक भएको धारणा राख्नुभयो ।
अनेमसंघ केन्द्रिय सदस्यहरु उर्मिला थामी,शान्ति कुमारी तमाङ,अनेमसंघ केन्द्रिय प्रचार विभाग प्रमुख कालिका पाठक,नेकपा एमाले प्रदेश कमिटि सदस्यहरु बालकृष्ण शिवाकोटी,भरत केसी,नेकपा एमाले दोलखाका अध्यक्ष नर बहादुर श्रेष्ठ लगायतले शुभकामना व्यक्त गर्दै तीज पर्वले महिलाको क्षमता विकाससंगै महिलामा भएका समस्या समाधान तर्फ नेतृत्वदायी भूमिका निर्वाह सहयोग पुग्ने विश्वास व्यक्त गरेका थिए । मन्तव्यका क्रममा वक्ताहरुले पर्वको नाममा सामाजिक सद्भावमा असर पुग्ने गतिविधि रोक्न सचेतीकरणको काममा लाग्न समेत महिलाहरुलाई आग्रह गरेका थिए ।
कार्यक्रममा नेकपा एमाले वागमती प्रदेश कमिटि सदस्यहरु कालिका पाठक र भरत बहादुर केसीले मौलिक तीज गीत गाएर परम्परागत तीज गीतको स्मरण गराउनुभएको थियो भने अरु सहभागी महिलाहरुले पनि परम्परागत तीज गीत गाएका थिए ।
तीज विशेष कार्यक्रममा जिल्लाभरका करिब ४ सय बढी महिलाहरुको सहभागिता रहेको अखिल नेपाल महिला संघ दोलखाले जनाएको छ । विहान ११ बजेबाट शुरु भएको कार्यक्रममा बेलुका ४ बजेसम्म महिलाहरुको उल्लासपूर्ण सहभागिता रहेको थियो ।
तीज २०८१ को अवसरमा अखिल नेपाल महिला संघ दोलखाले तीज विशेष अन्तरसंवादसंगै तीज विशेष कार्यक्रमका आयोजना गरेको छ।
भीमेश्वर मन्दिरमा भोलि क्षमा पूजा गरिँदै
समदृष्टि अनलाइन संवाददातादोलखाको भीमेश्वर शिलामा पसिना आएपछि भोलि क्षमापुजा गरिने भएको छ । प्रसिद्ध दोलखा भीमेश्वरको शिलामा एक हप्ताको अवधिमानै...
असारे लोक संस्कृति
समदृष्टि अनलाइन संवाददाताविनिता शिवाकोटी वर्षभरका बाह्र महिनामध्ये असार एक महत्वपूर्ण महिनाका रुपमा लिइन्छ । अझ कृषि र कृषकका लागि यो विशेष...
चरिकोटमा साङ्गीतिक गजल साँझ हुने
समदृष्टि अनलाइन संवाददातादोलखा सदरमुकाम चरिकोटमा साङ्गीतिक गजल साँझको आयोजना हुने भएको छ । बृहत दोलखा महोत्सवको अवसर पारेर दोलखा उद्योग...
स्रष्टा सुशिला शर्माको तेस्रो कृति ‘भुमरी’ विमोचन
समदृष्टि अनलाइन संवाददातासाहित्यकार सुशिला शर्मा न्यौपानेको तेस्रो पुस्तक भुमरी उपन्यास शनिवार विमोचन गरिएको छ । भानु विद्यापति साहित्य प्रतिष्ठानको संयोजनमा सदरमुकाम...
दोलखामा शनिबार गजल साँझ हुने
समदृष्टि अनलाइन संवाददाताभानु विद्यापति साहित्य प्रतिष्ठान दोलखाको गजल साँझ कार्यक्रमको आयोजना गर्ने भएको छ । भोलि बेलुका ४ बजेदेखि बेलुका ७...
सहस्र धारासहित स्वस्थानी ब्रत समापन
समदृष्टि अनलाइन संवाददाताऐतिहासिक दोलखा बजारमा सहस्रधारासहित श्री स्वस्थानी व्रतकथा विधिपूर्वक सम्पन्न गरिएको छ । व्रत समापनको दिन ऐतिहासिक दोलखा बजारमा सहस्र...