नेपाली महिलाहरूको महान पर्व हरितालिका तीज २०८१ को अवसरमा गौरीशङ्कर बहुमुखी क्याम्पस दोलखाले विद्यार्थीलाई निशुल्क व्याग वितरण गरेको छ । विहिबार क्याम्पसमा आयोजित कार्यक्रममा कक्षा ११ मा भर्ना भएका ७६ जना विद्यार्थीलाई क्याम्पस व्याग वितरण गरिएको क्याम्पसले जनाएको छ ।
क्याम्पस सञ्चालक समितिका सदस्य रामजी चौलागाईको प्रमुख आतिथ्यतामा आयोजना गरिएको तीज विशेष तथा निशुल्क व्याग वितरण कार्यक्रममा प्रमुख अतिथि चौलागाईँले क्याम्पस व्याग हस्तान्तरण गर्नुभएको हो । कार्यक्रममा कार्यक्रमका प्रमुख अतिथि चौलागाई,क्याम्पसका क्याम्पस प्रमुख शान्त केसीहायक क्याम्पस प्रमुख बालकृष्ण फुँयाल,गौरीशङकर गुणस्तर सर्कलका रोशन योगी लगायतले तीजपर्वको शुभकामनासहित उज्ज्वल शैक्षिक भविष्यको कामना गर्नुभएको थियो ।
क्याम्पसले तीजपर्वको अवसरमा विद्यार्थीसहित क्याम्पस परिवारलाई तीजको दरसमेत खुवाउने कार्यक्रम समेत गरेको थियो ।
कार्यक्रमको संयोजन गौरीशङकर गुणस्तर सर्कलले गरेको क्याम्पसले जनाएको छ ।