दोलखा सदरमुकाम चरिकोटमा कंक्रिट व्लकको गुणस्तर सुधार सम्बन्धी ३ दिने तालिमको आयोजना गरिएको छ । सुरक्षित र आरामदायी घर निर्माणका लागि होलो कंक्रिट ब्लकको गुणस्तर सुधार तालिमको आयोजना गरिएको तालिम कार्यक्रमका संयोजक इन्जिनियर राजु शिवाकोटीको भनाइ छ ।

नगरपालिकाभित्र घर सुरक्षित मात्र नभई अब आरामदायी भवन निर्माण गर्नु जरुरी भएकोले तालिमको आवश्यकता महशुस गरिएको भीमेश्वर नगरपालिका पूर्वाधार विकास तथा वातावरण व्यवस्थापन शाखाका प्रमुख ई. सुरेश राउतले बताउनुभयो । “भवनको निर्माण गर्दा शुरुमा त्यसको “ओरिन्टेसन“ र मूलतः बाहिरी आवरणले कति आरामदायी हुनसक्छ भन्ने निर्धारण हुन्छ । त्यसमा पनि भिता (वाल) कुन निर्माण सामग्रीबाट लगाइने हो सो को भूमिका महत्वपूर्ण हुन्छ । यसैकारण गुणस्तरयुक्त होलो कन्क्रिट ब्लक (ज्यिियध ऋयलअचभतभ द्ययिअप, ज्ऋद्य) हाम्रो जस्तो सामाजिक–आर्थिक पृष्ठभूमिमा आरामदायी भवन निर्माणमा उपयुक्त विकल्प हो ।” इन्जिनियर राउतले भन्नुभयो ।
यस अघि नितिगतरुपमा नै नगरपालिकाको २५औ कार्यपालिका बैठकले “उर्जा प्रभावकारी भवन निर्माण कार्यविधि“ पारित गरी लागू गरिसकेको छ । कार्यविधि कार्यान्वयन गर्न नक्सापासमा मात्र नभई भवन निर्माण कै अवस्थामा कार्यान्वयन गर्न यो तालिम कार्यक्रम प्रभावकारी हुने उहाँको भनाइ छ ।

भीमेश्वर नगरपालिका र विनको आयोजनामा कमलामाइ नगरपालिका सिन्धुली,मन्थली नगरपालिका रामेछाप,वाहविसे नगरपालिका सिन्धुपाल्चोक र भीमेश्वर नगरपालिकाका ११ जना उत्पादकहरुलाई कंक्रिट ब्लकको गुणस्तर सुधारका लागि तालिम कार्याक्रमाको आयोजना गरिएको आयोजकले जनाएको छ । तालिम कार्यक्रम अन्तरत व्लक उत्पादन गर्ने कारखानामा नै पुगेर प्रयोगात्मक अध्यास समेत गराइएको थियो । तालिम कार्यक्रम भाद्र २० देखि २२ गतेसम्म सञ्चालन भएको हो ।
यस अगाडि नगरपालिका भीमेश्वर नगरपालिकाले “उर्जा प्रभावकारी भवन निर्माण स्वीकृति सम्बन्धी कार्यविधि, २०८१” पारित गरेको छ ।