जिल्ला बचत तथा ऋण सहकारी संघ दोलखाका अध्यक्ष भूमिराज खड्का र जिल्ला सहकारी संघ दोलखाका व्यवस्थापक राजकुमार दहाल वागमती प्रदेशकै उत्कृष्ट सहकारी सञ्चालक र व्यवस्थापक सम्मानबाट सम्मानित हुनुभएको छ । मंगलबार बागमती प्रदेश सहकारी संघको चौथो वार्षिक साधारणसभाबाट वागमती प्रदेशको उत्कृष्ट सहकारी व्यवस्थापक सम्मान विधाबाट खड्का र दहाल सम्मानित हुनुभएको हो ।

दोलखा जिल्ला बचत तथा ऋण सहकारी संघका अध्यक्ष एवम दोलखाको जिरीमा रहेको एकिकृत फ्रेण्डसिप साकोस जिरीका अध्यक्षसमेत रहनुभएका भूमिराज खड्का प्रदेश भित्रका सहकारी संघसंस्थाका पदाधिकारीहरु मध्ये उत्कृष्ट सहकारी सञ्चालकका रुपमा सम्मानित हुनुभएको हो भने जिल्ला सहकारी संघमा कुशल व्यवस्थापकको भूमिका निर्वाह गर्दै आउनुभएका दहाल उत्कृष्ट व्यवस्थापकका रुपमा सम्मानित हुनुभएको हो ।
प्रदेश सहकारी संघको चौथो बार्षिक साधारण सभाबाट आगामी ४ बर्षका लागि रामशरण शर्मा घिमिरेको अध्यक्षतामा नयाँ नेतृत्व चयन भएको छ भने दोलखाबाट श्यामकाजी कटवाल र रमेश कार्की प्रदेश सहकारी संघको सदस्यमा निर्वाचित हुनुभएको छ ।