दोलखा सदरमुकाम चरिकोटमा श्रीमद्भागवत महापुराण सञ्चालन गरिने भएको छ । यही आश्विन १७ देखि आश्विन २५ गतेसम्म दोलखा सदरमुकाम चरिकोटको सातदोवाटोमा पुराण लगाउने कार्यक्रम निर्धारण गरिएको दुर्गा पूजा व्यवस्थापन समिति संयोजक श्यामकृष्ण थापाले बताउनुभयो ।
धार्मिक एकता र सामाजिक सद्भावसहित संस्कृतिको संरक्षण गर्ने उद्देश्यले वार्षिक रुपमा कार्यक्रम गर्न लागिएको संयोजक थापाको भनाइ छ ।
त्रिभुवन विश्व विद्यालयका संस्कृतविद प्रा.डा. विणा पौडेलको प्रमुख आतिथ्यतामा सम्पन्न हुने श्रीमद्भागवत महापुराण उद्घाटन कार्यक्रम पछि पण्डित रामचन्द्र तिमल्सिना प्रमुख कथा वाचक र पण्डित हरि तिमल्सिना उप–वाचक रहने कार्यक्रम तय भएको आयोजकको भनाइ छ ।
विजया दशमी २०८१ को अवशरमा आयोजना गरिने महापुराण कार्यक्रमको उद्घाटन १७ गते घटस्थापनाका दिने गरिने छ । १७ विहान ७ बजे कलश यात्राको आयोजना गरी कथा वाचन प्रारम्भ हुने आयोजकको भनाइ छ ।२४ गते दिउँसो ३ बजेबाट नौलाख दीप प्रज्ज्वलन र होमादी गरी आश्विन २५ गते तिलार्पण गरी कार्यक्रम समापन गरिने छ ।। गत वर्षपनि विजया दशमीको अवशरमा पुराण लगाइएको थियो ।

दोलखा उद्योग वाणिज्य संघ, नेपाल पत्रकार महासंघ, दोलखा , चेम्बर अफ कमर्श दोलखा जिल्ला निर्माण व्यवसायी संघको सहआयोजनामा कार्यक्रम गरिने छ ।