आउँदो चार दिन वर्षाको मध्यम प्रभावको उच्च सम्भावना रहेको छ । “प्रभावमा आधारित मौसम पूर्वानुमान बुलेटिन–२२)भिमेश्वर नगरपालिकाका अनुसार धेरै स्थानहरूमा हल्का देखि मध्यम वर्षा, थोरै स्थानहरूमा भारी देखि धेरै भारी वर्षा र एक–दुई स्थानमा अति भारी वर्षाको सम्भावना रहेको जनाएको हो ।
वर्षाको सम्भावना भएसंगै धान बाली केही दिनको लागि नकाट्न र काटेको धान सुरक्षित स्थानमा राख्नसमेत आग्रह गरेको छ ।
नगरपालिकाको मौसमपूर्वानुमान बुलेटिमा नगरका वडा नं १,४,५,७ र ८ अन्तरगत कुथली क्षेत्र,रामकोट क्षेत्र,चर्नावती आसपास,बोसिम्पा,पानीघाट देउराली सडक खण्ड र चरिकोट सडक खण्डमा जोखिम हुन सक्ने बताएको छ ।
मध्यम प्रभाव पार्ने वर्षा हुने सम्भावना उच्च रहेकोले सतर्क रहनुहोला साथै जल तथा मौसम विभागबाट जारी गरिने सबैभन्दा पछिल्लो मौसम पूर्वानुमान सूचनाका बारेमा जानकारी लिन समेत नगरपालिका वुलेटिन मार्फत अनुरोध गरिएको छ । जल तथा मौसम विभाग मौसम पूर्वानुमान महाशाखाका अनुसार असोज ९ गते बुधबारदेखि भने मनसुनी वायुको प्रभाव अझै बढ्ने छ । यस दिन सबै प्रदेशका केही स्थानहरुमा मेघ गर्जनरचट्याङ्ग सहित हल्कादेखि मध्यम वर्षाको सम्भावना छ ।
सुदूरपश्चिम प्रदेशका थोरै तथा कोशी, बागमती, गण्डकी र लुम्बिनी प्रदेशका एक–दुई स्थानमा भारी वर्षाको सम्भावना छ । सुदूरपश्चिम प्रदेशका एक–दुई स्थानमा भने धेरै भारी वर्षा हुने पूर्वानुमान छ । कोशी, बागमती, गण्डकी, लुम्बिनी प्रदेशका तराई तथा मधेश प्रदेशका केही स्थानहरुमा हावाहुरीको समेत चल्ने छ ।