जिल्ला सरकारी संघ दोलखाको १९ औ वार्षिक साधारणले पत्रकार केदार शिवाकोटीलाई सहकारी “पत्रकारीता पुरस्कार २०८१”ले सम्मान गरेको छ । सहकारी अभियानमा योगदान गरेको भन्दै कान्तिपुरकर्मी शिवाकोटीलाई राष्ट्रिय सहकारी महासंघका उपाध्यक्ष डिवि बस्नेतले नगद र प्रमाणपत्रसहित दोसल्ला ओढाएर सम्मान गर्नुभएको हो ।
सहकारीको अभियानमा सहयोग गर्ने विभिन्न व्यक्ति तथा संस्थालाई सम्मान गर्ने क्रममा सहकारीको अभियान सफल बनाउन नितिविधि बनाएर सहयोग गर्ने मेलुङ गाउँपालिका,सहकारी अभियानकर्मी ढाल बहादुर सापकोटा,उत्कृष्ट कारोबार गर्ने हाम्रो जनकल्याण सहकारी,नियमित कारोबार गर्ने अर्थभुूमी सहकारीलाई सम्मान गरेकोे छ । सम्मानित हुनेहरुमा पूर्व संचालक रत्न बहादुर श्रेष्ठ,उत्कृष्ट व्यवस्थापक चुणामणि घिमिरे,उत्कृष्ट महिला कर्मचारी जुना चापागाईँ र रमेश सापकोटा रहनुभएको छ ।
राष्ट्रिय सहकारी महासंघका उपाध्यक्ष डिवि बस्नेतको प्रमुख आतिथ्यतामा सम्पन्न साधारण सभामा वागमती प्रदेश सहकारी संघका अध्यक्ष रामशरण घिमिरे,जिल्ला वचत संघका अध्यक्ष भूमिराज खड्का,वाग्मती प्रदेश सहकारी संघका पूर्व महासचिव भीम प्रसाद दहाल,जिल्ला कृषि सहकारी संघ दोलखाका अध्यक्ष माधव प्रसाद घिमिरे, सहकारीका व्यवस्थापकहरुको साझा मञ्चका दिपक बस्नेत, दोलखा उद्योग वाणिज्य सघका उपाध्यक्ष विमल श्रेष्ठ लगायतले शुभकामना दिनुभएको थियो ।

संस्थाका अध्यक्ष देवीप्रसाद फुयालको अध्यक्षतामा भएको वार्षिक साधारण सभामा वार्षिक प्रगति प्रतिवेदन अध्यक्ष फूयाँल र लेखा सुपरीवेक्षण समितिको प्रतिवेदन समितिका संयोजक पुष्कर कुमार दहालले प्रस्तुत गर्नुभएको थियो । संस्थामा गत असार मसान्तसम्म २१ करोड ८३ लाख १९ हजार १४ रुपैयाँ प्रतिवेदन प्रस्तुत गरिएको थियो । जिल्ला संघका उपाध्यक्ष कृष्ण प्रसाद दहालले स्वागत मन्तव्य व्यक्त गर्नु भएको थियो भने कार्यक्रमको सहजीकरण महासचिव दिल बहादुर केसीले गर्नुभएको थियो ।
दोलखामा ५ सय सहकारी मध्ये जिल्ला संघ दोलखामा ३ सय ९६ सहकारी आवद्ध रहेका छन् ।